អាមេរិក៖ ក្រុមហ៊ុន Hyperion ដែលមានមូលដ្ឋាននៅរដ្ឋកាលីហ្វ័រញ៉ាបានបង្ហាញនូវរថយន្តទំនើប ដោយដើរថាមពលអ៊ីដ្រូសែន ដែលក្រុមហ៊ុនសង្ឃឹមថា នឹងផ្លាស់ប្ដូរទស្សនៈរបស់មនុស្សចំពោះបច្ចេកវិទ្យាឥន្ធនៈអ៊ីដ្រូសែន។

បើយោងតាមក្រុមហ៊ុនបានឲ្យដឹងថា រថយន្ត Hyperion XP-1 អាចបើកបរបានរហូតដល់ចម្ងាយ១,៦០៩គីឡូម៉ែត្រ ដោយប្រើប្រាស់ឧស្ម័នអ៊ីដ្រូសែនមួយពេញដែលត្រូវបានបង្ហាប់ ហើយម៉ូទ័រអេឡិចត្រូនិចរបស់វានឹងបង្កើតកម្លាំង​ បានច្រើនជាង១,០០០សេះ។ ក្រុមហ៊ុនបាននិយាយថា កង់ទាំងអស់របស់រថយន្តអាចស្ទុះទៅមុខ ពីកុងទ័រសូន្យទៅ៩៦គីឡូម៉ែត្រក្នុងមួយម៉ោង ត្រឹមរយៈពេល២វិនាទីប៉ុណ្ណោះ។

រថយន្ត Hyperion XP-1

រថយន្តថាមពលឥន្ធនៈអ៊ីដ្រូសែននេះគឺជាប្រភេទរថយន្ត ដែលប្រើអ៊ីដ្រូសែនដើម្បីបង្កើតថាមពលនៅខាងក្នុងរថយន្ត ជាជាងប្រើអាគុយដើម្បីផ្ទុកថាមពល។ រថយន្ត XP-1 មិនប្រើចំហេះអ៊ីដ្រូសែនទេ ប៉ុន្តែប្រើវានៅធុងឥន្ធនៈដែលផ្សំអ៊ីដ្រូសែនជាមួយអុកស៊ីសែនចេញពីខ្យល់ ក្នុងដំណើរការដែលបង្កើតជាទឹក (ការបំភាយឧស្ម័នតែមួយគត់របស់រថយន្ត) និងចរន្តអគ្គិសនីដើម្បីផ្ដល់ថាមពលដល់រថយន្ត។

រថយន្ត Hyperion XP-1

នាយកប្រតិបត្តិរបស់ក្រុមហ៊ុន Hyperion លោក Angelo Kafantaris បានពន្យល់ថា រថយន្ត XP-1 អាចបើកបរបានចម្ងាយឆ្ងាយជាងរថយន្តអគ្គិសនីដោយដើរថាមពលថ្ម ពីព្រោះអ៊ីដ្រូសែនដែលបង្ហាប់មានថាមពលច្រើនជាងមួយលីត្រ។ ដូចគ្នានេះដែរ ដោយសារតែឧស្ម័នអ៊ីដ្រូសែនស្រាល រថយន្តទាំងមូលក៏មានទម្ងន់ស្រាលផងដែរ។ លក្ខណៈបែបនេះ វាធ្វើឲ្យរថយន្តកាន់តែមានថាមពល និងអាចធ្វើដំណើរបានទៅមុខកាន់តែឆ្ងាយ និងលឿនជាងមុន។ អត្ថប្រយោជន៍សំខាន់នៃអ៊ីដ្រូសែនគឺ ការបូមអ៊ីដ្រូសែនពេញធុងមួយចំណាយពេលតិចជាងការសាកថ្ម៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ