គួរឱ្យសរសើរ! មហាសេដ្ឋី Bill Gate ចំណាយប្រាក់​១៥០លានដុល្លារ ដើម្បីបញ្ចុះតម្លៃវ៉ាក់សាំងកូវីដ១៩ឲ្យ​​ទាប​ សម្រាប់ប្រជាជនក្រីក្រអាចប្រើប្រាស់បាន

បរទេស៖ មហាសេដ្ឋី ប៊ីល ហ្គេត ដែលជាអ្នកធ្លាប់បានផ្តល់ជំនួយមូលនិធិ​ទៅកាន់ប្រទេសជាច្រើន ដើម្បីទប់ស្កាត់ការរីករាលដាលជំងឺកូវីដ១៩ ដោយមានទាំងជំនួយជាឧបករណ៍ធ្វើតេស្ត ក៏ដូចជាជំនួយថវិការសម្រាប់កម្មវិធីផលិតវ៉ាក់សាំងកូវីដ១៩​ផងនោះ ពេលនេះ​លោកបានប្រកាសថា លោកនឹង​ចំណាយប្រាក់បន្ថែមចំនួន ១៥០លានដុល្លារ ដើម្បី​កាត់បន្ថយ​តម្លៃវ៉ាក់សាំងកូវីដ១៩ ​ឱ្យមកនៅទាបបំផុតត្រឹម ៣ដុល្លារក្នុងមួយដូស។

គួរឱ្យដឹងដែរថា លោក ប៊ីល ហ្គេត បានធ្វើការប្រកាសនេះកាលពីថ្ងៃសុក្រ ខណៈពេលដែលលោកបានបង្ហាញពីគម្រោង​ ថា​នឹងផ្តល់​ថវិកាទៅដល់វិទ្យាស្ថាន ​Serum នៅក្នុងប្រទេសឥណ្ឌា ដើម្បីផលិត​វ៉ាក់សាំងកូវីដ១៩ឱ្យបានចំនួន ១០០លានដូស ដោយក្នុងមួយដូសមាន​តម្លៃត្រឹមតែ ៣ដុល្លារប៉ុណ្ណោះ។ ដូច្នេះអំណោយមួយនេះ នឹង​ជួយប្រជាជនក្នុងប្រទេសក្រីក្រនៅជុំវិញពិភពលោក អាចទទួលបានថ្នាំបង្ការនៅពេលពួកគេត្រូវការប្រើប្រាស់ ដើម្បីជួយសង្គ្រោះជីវិត៕