អាមេរិក៖ នាយកប្រតិបត្តិក្រុមហ៊ុន Apple លោក Tim Cook បានលោតចូលទៅក្នុងតារាងមហាសេដ្ឋីប្រាក់ប៊ីលាន ខណៈតម្លៃភាគហ៊ុនរបស់ក្រុមហ៊ុនបច្ចេកវិទ្យាមួយនេះនៅតែបន្តកើនឡើង។ តម្លៃទីផ្សាររបស់ក្រុមហ៊ុន Apple បានកើនឡើង បន្ទាប់ពីទទួលបានលទ្ធផលខ្លាំង និងទស្សនវិស័យសុទិដ្ឋិនិយមសម្រាប់ក្រុមហ៊ុនយក្សបច្ចេកវិទ្យា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Cook មានភាគហ៊ុន៨៤៧,៩៦៩ដោយផ្ទាល់ និងបានទិញផ្ទះជាង១២៥លានដុល្លារ កាលពីឆ្នាំមុន ដែលជាផ្នែកមួយនៃកញ្ចប់ប្រាក់ខែរបស់គាត់។ កាលពីសប្ដាហ៍មុន ស្ថាបនិកក្រុមហ៊ុនហ្វេសប៊ុក គឺលោក Mark Zuckerberg ត្រូវបានគេឃើញថា មានទ្រព្យសម្បត្តិកើនឡើងរហូតទៅដល់ ១០០ប៊ីលានដុល្លារ។
ក្រុមហ៊ុនបច្ចេកវិទ្យារួមទាំង Apple, Facebook និង Amazon បានឃើញប្រាក់ចំណេញរបស់ពួកគេកើនឡើង ក្នុងកំឡុងពេលមានជំងឺរាតត្បាតសកល ដោយសារតែមនុស្សជាច្រើនបានប្រើប្រាស់អ៊ីនធឺណេត។ ក្រុមហ៊ុន Apple ដែលមានមូលដ្ឋាននៅ Silicon-Valley ពេលនេះកំពុងតែឈានដល់ចំណុចសំខាន់នៃការក្លាយជាក្រុមហ៊ុនដំបូងគេ ដែលនឹងមានតម្លៃដល់ទៅ២ទ្រីលានដុល្លារ។ កាលពី២ឆ្នាំមុន វាក្លាយជាក្រុមហ៊ុនដំបូងគេ ដែលមានតម្លៃដល់ទៅ១ទ្រីលានដុល្លារ។
លោក Cook បានចូលកាន់កាប់តំណែងពីស្ថាបនិកក្រុមហ៊ុន Apple គឺលោក Steve Jobs កាលពី៩ឆ្នាំមុន។ ឋានៈជាមហាសេដ្ឋីរបស់គាត់គឺផ្អែកលើភាគហ៊ុន ដែលគាត់កាន់កាប់និងសំណងដែលគាត់បានបង់នៅ Apple ហើយត្រូវបានគេហទំព័រចាត់ចំណាត់ថ្នាក់មហាសេដ្ឋី Bloomberg Billionaires Index យកមកគណនា៕