ញូដេលី៖ កងទ័ពអាកាសឥណ្ឌា បាននឹងកំពុងបង្កើនការហ្វឹកហាត់ បើកយន្តហោះចម្បាំងរ៉ាហ្វាល់ទាំង ៥គ្រឿងនៅពេលយប់ ក្នុងតំបន់ភ្នំដាច់ស្រយាល Ladakh រដ្ឋ Himachal Pradesh (ហ៊ីមម៉ាឆាល់ ប្រាឌេស) ដើម្បីជាការត្រៀមខ្លួនឱ្យរួចជាស្រេច ប្រសិនបើមានស្ថានការណ៍យ៉ាប់យ៉ឺនណាមួយ កើតឡើងទៅតាមបណ្តោយព្រំដែនជាប់ប្រទេសចិន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមក្រុមមន្ត្រីរបស់ប្រទេសឥណ្ឌាបានឱ្យដឹងថា យន្តហោះចម្បាំងរ៉ាហ្វាល់ចំនួន ៥គ្រឿងដំបូង ដែលចុះចតនៅឯមូលដ្ឋានទ័ពអាកាស អាំបាឡា (Ambala) នៅថ្ងៃទី ២៩ ខែកក្កដា គឺត្រូវបានឱ្យដំណើរការពេញលេញ។ ហើយនៅពេលឥណ្ឌាទទួលបានយន្តហោះគ្រប់ទាំង ៣៦គ្រឿង គេនឹងបែងចែកវាដោយ ១៨គ្រឿង ដាក់នៅមូលដ្ឋានទ័ពអាកាស អាំបាឡា រដ្ឋហាយ៉ាណា ចំណែក ១៨គ្រឿងទៀត ត្រូវដាក់នៅមូលដ្ឋានទ័ពអាកាស ហាស៊ីម៉ារ៉ា (Hasimara) រដ្ឋ វេសបេងហ្គាល់ (West Bengal) ជាប់ព្រំដែនប្រទេសភូតាន។
សូមបញ្ជាក់ដែរថា កាលពីខែកញ្ញា ឆ្នាំ២០១៦ នាយករដ្ឋមន្ដ្រីឥណ្ឌាលោក ណារិនដ្រា ម៉ូឌី បានចុះកិច្ចព្រមព្រៀងមួយជាមួយក្រុមហ៊ុនបារាំង ដែលមានឈ្មោះថា Dassault Aviation ដើម្បីបញ្ជាទិញយន្ដហោះចម្បាំងរ៉ាហ្វាល់ ចំនួន ៣៦គ្រឿង ក្នុងទំហំទឹកប្រាក់ ៩.៤ពាន់លានដុល្លារ ហើយការប្រគល់នឹងត្រូវបញ្ចប់ទាំងស្រុងនៅត្រឹមឆ្នាំ ២០២២៕
សូមទស្សនាវីដេអូខាងក្រោម៖
Bong I.T