មនុស្សយ៉ាងហោចណាស់៤៣នាក់ បានស្លាប់ដោយសារគ្រោះរអិលបាក់ដី ដែលបង្កដោយខ្យល់មូសុងនៅឥណ្ឌា

ឥណ្ឌា៖ យោងតាមមន្ដ្រីជាន់ខ្ពស់របស់ឥណ្ឌាម្នាក់ បាននិយាយថា គិតត្រឹមថ្ងៃអាទិត្យ ទី០៩ ខែសីហា ម្សិលមិញនេះ អ្នកស្លាប់ដោយសារគ្រោះរអិលបាក់ដីនៅឯចម្ការតែមួយ កាលពីព្រឹកព្រលឹមថ្ងៃសុក្រកន្លងទៅ បានកើនឡើងដល់៤៣នាក់ហើយ ខណៈមនុស្សមួយចំនួនទៀតសង្ស័យនៅជាប់ក្រោមគំនរភក់។ នេះបើតាមការចេញផ្សាយរបស់សារព័ត៌មាន Aljazeera នៅថ្ងៃទី១០ ខែសីហា ឆ្នាំ២០២០ ។

គ្រោះរអិលបាក់ដីនេះ គឺបណ្ដាលមកពីភ្លៀងធ្លាក់ខ្លាំង ហើយបានវាយប្រហារទៅលើចម្ការតែមួយ ដែលស្ថិតក្នុងស្រុក Idukki រដ្ឋ Kerala ប្រទេសឥណ្ឌា ខណៈពេលកម្មករកំពុងដេកលក់។ ហើយជុំវិញករណីនេះដែរ លោក H Dineshan ជាមន្ដ្រីក្នុងតំបន់បានប្រាប់សារព័ត៌មានថា៖

គួររម្លឹកផងដែរថា កាលពីឆ្នាំ២០១៨ រដ្ឋ Kerala បានរងការវាយប្រហារដោយសារទឹកជំនន់ដ៏អាក្រក់បំផុតប្រចាំសតវត្សរ៍ និងបណ្ដាលឲ្យមនុស្សរាប់រយនាក់ស្លាប់បាត់បង់ជីវិត ដែលពួកគេភាគច្រើនមកពីស្រុក Idukki មានចម្ងាយប្រមាណ២៥០គីឡូម៉ែត្រពីរដ្ឋធានី Thiruvananthapuram នៃរដ្ឋ Kerala ។

ដោយឡែក បើតាមក្រសួងមហាផ្ទៃឥណ្ឌាបានឲ្យដឹងថា មនុស្សទូទាំងប្រទេសយ៉ាងហោចណាស់៧៨០នាក់ បានស្លាប់ដោយសារឧប្បត្តិហេតុ ដែលទាក់ទងនឹងខ្យល់មូសុង គិតចាប់ពីចុងខែឧសភាមកទល់ថ្ងៃព្រហស្បតិ៍សប្ដាហ៍មុននេះ៕

សូមទស្សនារូបភាពខាងក្រោម៖