ចិន៖ តារាស្រីជនជាតិចិនដ៏ល្បីល្បាញ Zheng Shuang ដែលជាតួឯកស្រីក្នុងរឿង «Love O2O» កំពុងតែទទួលបានចំណាប់អារម្មណ៍យ៉ាងពេញទំហឹង ពីហ្វេនៗជាច្រើន តាមរយៈសមត្ថភាពទេពកោសល្យ ព្រមទាំងរូបសម្រស់ដ៏ស្រស់ស្អាតទាក់ទាញ របស់នាងថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ថ្មីៗនេះ តារាស្រី Zheng Shuang ហាក់ដូចជាទទួលរងនូវការរិះគន់ពីមនុស្សជាច្រើន បន្ទាប់ពីលេចចេញនូវរូបភាពរបស់នាង ខណៈពេលដែលទៅចូលរួមថតនៅក្នុងកម្មវិធីមួយ ដែលនៅក្នុងនោះ មុខមាត់របស់នាងមានភាពផ្លាស់ប្ដូរយ៉ាងខ្លាំង ទាំងទម្រង់មុខ ចង្កា និងច្រមុះ ក្រោយពេលធ្វើការកែសម្ផស្ស ដែលធ្វើឲ្យនាងបាត់បង់នូវភាពស្រស់ស្អាតកាលពីមុនផងដែរ ។
ជាពិសេស នៅក្នុងនោះ ក៏មានការចែកចាយ ពីរូបភាពចាស់ៗរបស់នាងកាលពីមុន ធ្វើឲ្យមានការប្រៀបធៀបគ្នា ជាមួយនឹងមុខមាត់បច្ចុប្បន្ននេះ ដែលបានលើកឡើងថា មុខមាត់រូបសម្រស់របស់នាងកាលពីមុន មានភាពស្រស់ស្អាតឆើតឆាយដែលពិតជាគួរឱ្យស្រឡាញ់ខ្លាំងណាស់ ម៉្យាងវិញទៀត សម្រស់របស់តារាសម្តែងស្រីរូបនេះកាលពីមុននោះ ក៏ទទួលបានការសរសើររាប់មិនអស់ ពីសំណាក់អ្នកគាំទ្រភ្លាមៗតែម្ដង ។
យ៉ាងណាមិញ ចំពោះសម្រស់របស់នាង នាពេលបច្ចុប្បន្ននេះវិញ បានធ្វើឲ្យសាធារណជនជាច្រើន មានការសោកស្តាយយ៉ាងខ្លាំង ដែលសម្រស់ដ៏ល្អស្អាត របស់នាង បានបាត់ទៅហើយ ដោយសារតែ ការវះកាត់កែសម្ផស្ស ដែលធ្វើឲ្យហ្វេនៗមើលសឹងតែមិនស្គាល់បែបនេះ ៕
សូមទស្សនារូបភាពខាងក្រោម៖