ចាកាតា៖ មជ្ឈមណ្ឌលកាត់បន្ថយគ្រោះមហន្តរាយភ្នំភ្លើង និងភូគព្ភសាស្ត្រប្រទេសឥណ្ឌូណេស៊ីបានរាយការណ៍ថា ភ្នំភ្លើងស៊ីណាប៊ុង (Sinabung) នៅលើកោះស៊ូម៉ាត្រារបស់ប្រទេសឥណ្ឌូណេស៊ី បានផ្ទុះឡើងនៅថ្ងៃច័ន្ទនេះ ដោយជះផេះលាយជាមួយឧស្ម័នក្តៅឡើងលើមេឃជិត ៥,០០០ម៉ែត្រ ប៉ុន្តែមិនទាន់បង្កឱ្យមានមនុស្សស្លាប់ ឬរងរបួសនៅឡើយទេ។ នេះបើតាមការចុះផ្សាយរបស់ទីភ្នាក់ងារសារព័ត៌មាន scmp ថ្ងៃទី ១០ ខែសីហា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រភពដដែលបន្តថា ភ្នំភ្លើងស៊ីណាប៊ុង បានផ្ទុះឡើងជាលើកទី៣ គិតចាប់ពីថ្ងៃសៅរ៍សប្តាហ៍មុនមក ហើយអាជ្ញាធរក្នុងតំបន់ ក៏បានណែនាំអ្នកភូមិឱ្យនៅឆ្ងាយពីភ្នំភ្លើងយ៉ាងហោចណាស់ ៥គីឡូម៉ែត្រ និងត្រូវពាក់ម៉ាសឱ្យបានត្រឹមត្រូវ ដើម្បីការពារសុខភាពនិងសុវត្ថិភាព ពីកម្អែលរួមជាមួយផេះចេញពីភ្នំភ្លើង។
គួរឱ្យដឹងដែរថា ឥណ្ឌូណេស៊ី គឺជាប្រទេសស្ថិតនៅតំបន់ខ្សែក្រវាត់ភ្លើងនៃមហាសមុទ្រប៉ាស៊ីហ្វិក (Pacific Ring of Fire) ដែលជាទីតាំងតែងកើតមាន គ្រោះរញ្ជួយដី បន្ទុះភ្នំភ្លើង និងរលកយក្សស៊ូណាមិជាញឹកញាប់។ ហើយកាលពីឆ្នាំ ២០១០ ២០១៤ និង ២០១៦ កន្លងទៅ ភ្នំភ្លើងស៊ីណាប៊ុងនេះ បានផ្ទុះឡើងនិងសម្លាប់មនុស្សសរុប ២៣នាក់៕
សូមទស្សនាវីដេអូខាងក្រោម៖
Bong I.T