រៀបការ២ឆ្នាំ Justin និងប្រពន្ធ គ្មានគម្រោងយកកូន ចង់បង្កើតអនុស្សាវរីយ៍ឲ្យច្រើនសិន

បរទេស៖ ថ្មីៗនេះ អ្នកស្រី Hailey Bieber បានបង្ហាញពីគម្រោងការ មិនទាន់ចង់បានបុត្រជាមួយ Justin Bieber នៅឡើយទេ ក្រោយពីបានរៀបការអស់រយៈពេលពីរឆ្នាំជាមួយមក ដោយសារតែហេតុដ៏សមស្របមួយ។

ដោយឡែក នៅក្នុងខែកញ្ញា ឆ្នាំ២០២០នេះ ប្តីប្រពន្ធមួយគូនេះ នឹងធ្វើពិធីបុណ្យគម្រប់ខួបការរៀបការពីរឆ្នាំរបស់ពួកគេ ប៉ុន្តែរឿងបង្កើតសមាជិកទៀត ពួកគេមិនទាន់ពិចារណាអំពីរឿងនេះនៅឡើយទេ ដោយចង់សាងអនុស្សាវរីយ៍ជាមួយគ្នាឲ្យបានច្រើនជាងនេះនិង រង់ចាំពេលវេលាណាមួយដែលអាចឲ្យគេត្រៀមខ្លួនជា​​ ឪពុកម្តាយបានជាមុនសិន។

ក្រោយពីបានឃើញដូច្នេះរូចមក ហ្វេនៗជាច្រើនបានសម្តែងភាពអាក់អន់ស្រពន់ចិត្តតិចៗដែរ ដោយសារតែកាលពីកន្លងមកធ្លាប់មានសារព័ត៍មានមួយចំនួន បានចុះផ្សាយថា Hailey និង Justin មានគម្រោងការយកកូនក្នុងពេលឆាប់ៗ ប៉ុន្តែបន្ទាប់មកព័ត៍មានទាំងនេះក៏ត្រូវបានតារាប្រុសរូបនេះ ច្រានចោលផងដែរ។ គួរបញ្ជាក់ដែរថា Justin Bieberនិង Hailey Bieber បានកាន់ដៃគ្នាចូលរោងការនៅក្នុងខែកញ្ញា ឆ្នាំ២០១៨៕  

សូមចូលមើលរូបភាពខាងក្រោម៖