វ៉ាស៊ីនតោន៖ កងអង្គភាពទ័ពជើងទឹកទី៧ ឬហៅថា 7th Fleet របស់សហរដ្ឋអាមេរិក បានប្រកាសថា កងទ័ពអាកាស និងកងទ័ពជើងទឹក ដែលដឹកនាំដោយនាវាផ្ទុកយន្តហោះ USS Ronald Reagan បានធ្វើសមយុទ្ធរួមគ្នាមួយ នៅតំបន់ឆ្នេរក្បែរប្រទេសជប៉ុនកាលពីសប្តាហ៍មុននេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសេចក្តីថ្លែងការណ៍របស់អង្គភាព 7th Fleet បានឱ្យដឹងថា នៅក្នុងសមយុទ្ធកាលពីថ្ងៃព្រហស្បតិ៍កន្លងទៅនេះ គឺរួមមានសកម្មភាពហ្វឹកហាត់វាយប្រហារតាមអាកាស បេសកកម្មស្វែងរក បេសកកម្មជួយសង្គ្រោះ និងបេសកកម្មការពារដែនអាកាស ដោយមានវត្តមានចូលរួមពីនាវាដឹកយន្តហោះ និងនាវាចម្បាំង ក៏ដូចជាយន្តហោះចម្បាំងជាច្រើនគ្រឿង។
សូមជម្រាបដែរថា សមយុទ្ធរបស់កងទ័ពជើងទឹក និងកងទ័ពអាកាសអាមេរិក ដែលតែងធ្វើឡើងញឹកញាប់នៅក្នុងតំបន់ប្រតិបត្តិការឥណ្ឌូប៉ាស៊ីហ្វិក គឺដើម្បីជាការលើកកម្ពស់ សន្តិសុខ ស្ថេរភាព និងវិបុលភាពពាសពេញតំបន់។ ហើយវាក៏អាចជាឱកាសល្អមួយ សំរាប់កងទ័ពអាមេរិកធ្វើការហ្វឹកហាត់ ក៏ដូចជាពង្រឹងសមត្ថភាពរបស់ខ្លួនដែរ៕