ស្គាល់ពួកគាត់ទេ? តារាជើងចាស់ ដែលកម្រនឹងបាត់មុខពេល Kim Soo Hyun និង Lee Min Ho ថតរឿងថ្មី!

កូរ៉េខាងត្បូង ៖ ហ្វេនៗដែលនិយមតាមដាន រឿងភាគកូរ៉េ ប្រាកដជាចំណាំមុខពួកគាត់ទាំងពីរបានយ៉ាងច្បាស់ ដែលពួកគាត់សុទ្ធសឹងតែជាតារាសម្ដែង វ័យចំណាស់ ក្នុងវិស័យសិល្បៈកូរ៉េ ប៉ុន្តែតែងតែបង្ហាញខ្លួន ក្នុងរឿងភាគថ្មីជាញឹកញាប់ នោះគឺតារាសម្ដែងស្រីវ័យ ៨២ ឆ្នាំ Kim Young-ok និងតារាសម្ដែងប្រុសវ័យ ៦៦ឆ្នាំ Kim Chang-wan។

តារាជើងចាស់ទាំងពីរ ត្រូវបានគេស្គាល់ថា ជាតួអង្គសំខាន់ នៅក្បែរតួឯកប្រុសទាំងពីររបស់យើង គឺ Lee Minho និង Kim Soohyun។ ដោយតារាស្រី Kim Young-ok ធ្លាប់បានសម្ដែងជាតួអ្នកមើលថែ Lee Minho ក្នុងរឿងភាគល្បីដល់ទៅពីរ គឺរឿង The King: Eternal Monarch និងរឿង Boys Over Flowers។

ចំណែកឯ Kim Soohyun ក៏មានតួអង្គបុរសចំណាស់ម្នាក់ សម្ដែងដោយលោក Kim Chang-wan តែងតែនៅក្បែរ និងផ្ដល់ប្រឹក្សាដ៏ល្អសម្រាប់លោក នៅក្នុងរឿងភាគល្បីដល់ទៅពីរ គឺរឿង My Love from the Star និងរឿងភាគថ្មីកំពុងតែល្បី It's Okay to Not Be Okay។

ទោះបីជារឿងភាគនីមួយៗ បានបង្ហាញពីភាពសំខាន់របស់តួអង្គឯក នៅក្នុងរឿង ប៉ុន្តែហ្វេនៗដែលបានទស្សនា រឿងភាគទាំងនោះហើយ ពួកគេបានលើកឡើងជារឿយៗថា តួអង្គមនុស្សវ័យចំណាស់ទាំងពីរ ជាមនុស្សសំខាន់នៅក្នុងរឿង ដែលតែងតែជួយលួងលោម និងដោះស្រាយបញ្ហាដល់តួឯក ធ្វើឲ្យសាច់រឿងដំណើរការទៅយ៉ាងរលូន៕

តើប្រិយមិត្តស្គាល់ពួកគាត់ទាំងពីរដែរឬទេ?

ប្រភព ៖ Kimmy Latte

តោះមកទស្សនារូបភាពខាងក្រោម ៖