ហុងកុង៖ កាលពីយប់ថ្ងៃទី៧ ខែសីហា កន្លងទៅនេះ មានការភ្ញាក់ផ្អើលយ៉ាងខ្លាំង បន្ទាប់ពី តារាសម្តែងប្រុសល្បីមួយរូប ប្រចាំស្ថាននីយទូរទស្សន៍TVB ត្រូវបានប៉ូលីស ធ្វើការឃាត់ខ្លួន ក្រោយពីធ្វើការបើកបរ ទាំងក្នុងស្ថានភាពស្រវឹងជោគជាំ ហើយបង្កគ្រោះថ្នាក់ តែមិនមាន អ្នករងរបួសនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាម សារព័ត៌មានOriental Daily បានធ្វើការចុះផ្សាយ ក្នុងថ្ងៃទី៨ ខែសីហាកន្លងទៅនេះថា មានអ្នកបើកបរជាច្រើន បានបង្ហាញនៅ ការភ័យស្លន់ស្លោជាខ្លាំង បន្ទាប់ពីពួកគេ បានឃើញរថយន្តMercedes-Benz មួយគ្រឿង បានធ្វើដំណើរយ៉ាងលឿន ឆ្លងកាត់ផ្លូវផ្ទុយគ្នា ហើយបានជ្រុលទៅបុកចញ្ចើមផ្លូវ សម្រាប់អ្នកថ្មើរជើង អស់ជិត ៦០ ម៉ែត្រ ហើយរថយន្ត ក៏ជួបគាំងមិនអាចធ្វើដំណើរ បន្តទៅមុខទៀតបាន តែជាសំណាងគ្មាន អ្នករងរបួសនោះទេ។
បន្ទាប់ពីកើតមាន ហេតុការណ៍ បែបនេះហើយ ខាងប៉ូលីស ក៏បានចុះមកដល់ ហើយធ្វើការវាស់វាង និងឈានដល់ការឃាត់ខ្លួន ម្ចាស់រថយន្តខាងលើ ដែលត្រូវបានគេស្គាល់ថាជា តារាប្រុសMatt Yeung ក្នុងស្ថានភាព អស់កម្លាំងជាខ្លាំង ខ្លួនឡើងទន់ ជាហេតុមិនអាច ធ្វើការវាស់ជាតិអាកុលបាន ប៉ូលីសក៏បានសម្រេចហៅឡានពេទ្យ ហើយបញ្ជូន តារាប្រុសរូបនេះ ទៅសង្គ្រោះនៅមន្ទីពេទ្យ ភា្លមៗផងដែរ។
គួរបញ្ជាក់ផងដែរថា តារាប្រុសរូបនេះ ក៏ត្រូវបានជាប់ឈ្មោះ ក្នុងតារាបញ្ជីខ្មៅ blacklist របស់ប៉ូលីសផងដែរ ដោយសារតែ កន្លងមកធា្លប់មាន ប្រវត្តិស្រវឹងហើយបើកបរ រំខាន ដល់សណ្តាប់ធ្នាប់ សាធារណៈជាច្រើនលើក ច្រើនសារមកហើយ៕
Bong I.T