បញ្ជីបេក្ខភាពប្រជែងយកពានរង្វាន់កីឡាករវ័យក្មេងល្អបំផុតប្រចាំ Premier League រដូវកាល ២០១៩-២០២០ នេះ

អង់គ្លេស៖ ពានរង្វាន់កីឡាករវ័យក្មេងល្អបំផុតប្រចាំរដូវកាលនៅក្នុងលីគកំពូល Premier League នឹងត្រូវប្រគល់ឲ្យតារាឆ្នើមដែលមានវ័យក្រោម២៣ឆ្នាំ (រាប់ពីដើមរដូវកាលមក) ដោយធ្វើការបោះឆ្នោតផ្ទាល់ពីសំណាក់អ្នកគាំទ្រ។ ដោយឡែកនៅក្នុងរដូវកាល២០១៩-២០១០នេះ ក្លិប Manchester United ហាក់ដូចជាមានបេក្ខភាពច្រើនជាងគេនៅក្នុងបញ្ជីកីឡាករទាំង៨នាក់ចុងក្រោយ ពោលគឺមានរហូតដល់ទៅ៤រូបឯណោះ។ 

ហើយខាងក្រោមនេះជាបញ្ជីបេក្ខភាព៨នាក់ចុងក្រោយដែលត្រូវប្រជែងយកពានរង្វាន់កីឡាករវ័យក្មេងល្អបំផុតប្រចាំ Premier League រដូវកាល ២០១៩-២០២០ នេះ៖

១/ កីឡាករ Trent Alexander-Arnold វ័យ២១ឆ្នាំ លេងឲ្យក្លិប Liverpool ។

២/ កីឡាករ Jack Grealish វ័យ២៤ឆ្នាំ (បញ្ជាក់៖ នៅដើមរដូវកាលរូបគេមានវ័យត្រឹម២៣ឆ្នាំប៉ុណ្ណោះ) លេងឲ្យក្លិប Aston Villa ។

៣/ កីឡាករ Mason Greenwood វ័យ១៨ឆ្នាំ លេងឲ្យក្លិប Manchester United ។

៤/ កីឡាករ Dean Henderson វ័យ២៣ឆ្នាំ លេងឲ្យក្លិប Sheffield United (ខ្ចីជើងពី Man Utd) ។

៥/ កីឡាករ Anthony Martial វ័យ២៤ឆ្នាំ (បញ្ជាក់៖ នៅដើមរដូវកាលរូបគេមានវ័យត្រឹម២៣ឆ្នាំប៉ុណ្ណោះ) លេងឲ្យក្លិប Manchester United​ ។

៦/ កីឡាករ Mason Mount វ័យ២១ឆ្នាំ លេងឲ្យក្លិប Chelsea ។

៧/ កីឡាករ Christian Pulisic វ័យ២១ឆ្នាំ លេងឲ្យក្លិប Chelsea ។

៨/ កីឡាករ Marcus Rashford វ័យ២២ឆ្នាំ លេងឲ្យក្លិប Manchester United ៕

ប្រភព៖ dailymail