ក្ដៅៗ! អតីតរដ្ឋមន្រ្តីក្រសួងហិរញ្ញវត្ថុម៉ាឡេស៊ីត្រូវបានតុលាការចោទប្រកាន់ពីបទប្រព្រឹត្តអំពើពុករលួយ (មានវីដេអូ)

គូឡាឡាំពួរ៖ អតីតរដ្ឋមន្រ្តីក្រសួងហិរញ្ញវត្ថុលោក Lim Guan Eng ត្រូវបានចោទប្រកាន់នៅឯតុលាការគូឡាឡាំពួរកាលពីថ្ងៃសុក្រពីបទបានស្នើសុំការផ្តល់ការគាំទ្រដើម្បីជួយក្រុមហ៊ុនមួយឱ្យទទួលបាននូវគម្រោងផ្លូវរូងក្រោមសមុទ្រ។

ព្រះរាជអាជ្ញារងសាធារណៈលោក Wan Shaharuddin Wan Ladin បានប្រាប់តុលាការថា លោក Lim ដែលធ្លាប់ធ្វើជាប្រធានរដ្ឋ Penang ពីឆ្នាំ ២០០៨ ដល់ឆ្នាំ ២០១៨ ត្រូវបានចោទប្រកាន់ពីបទ ជួយក្រុមហ៊ុនក្នុងការទទួលបានគម្រោងមួយនៅក្នុងឆ្នាំ ២០១១ ។

បទចោទប្រកាន់នេះស្ថិតក្រោមច្បាប់ប្រឆាំងអំពើពុករលួយរបស់ប្រទេសម៉ាឡេស៊ីដែលត្រូវបានផ្តន្ទាទោសដាក់ពន្ធនាគាររហូតដល់ ២០ ឆ្នាំ និងពិន័យជាប្រាក់មិនតិចជាង ៥ ដងនៃផលបូកឬតម្លៃនៃសំណងជំងឺចិត្តលើការផ្តន្ទាទោស។

លោក Lim បានឆ្លើយតបទៅនឹងបណ្តឹងថា ខ្លួនមិនមានកំហុសចំពោះការចោទប្រកាន់នេះទេ ហើយត្រូវបានធានាឱ្យនៅក្រៅឃុំ។

លោក Lim បានបម្រើការជារដ្ឋមន្រ្តីហិរញ្ញវត្ថុនៅក្នុងរដ្ឋាភិបាលដែលដឹកនាំដោយលោក Mahathir Mohamad ចាប់តាំងពីឆ្នាំ ២០១៨ រហូតដល់លោក Mahathir បានលាលែងពីតំណែងជានាយករដ្ឋមន្ត្រីនៅខែកុម្ភៈនេះ៕

សូមទស្សនាវីដេអូខាងក្រោម៖

ប្រភព៖ Chanel News Asia