សមណាស់! Man Utd អាចនឹងដូរលេខមួយនេះឲ្យ Greenwood នៅពេលទិញបាន Sancho

អង់គ្លេស៖ ក្លិបបិសាចក្រហម Manchester United អាចនឹងឲ្យលេខ៧ទៅកីឡាករ Jadon Sancho ប្រសិនបើក្លិបទិញបានតារាកំពុងឡើងកូដរូបនេះពី Borussia Dortmund នោះ។

សម្រាប់ក្លិប Man Utd លេខ៧នេះគឺជាលេខសម្រាប់កីឡាករឆ្នើមបំផុត ពោលគឺជាលេខដែលអតីតតារាឆ្នើមរបស់ក្លិបធ្លាប់ពាក់ដូចជាកីឡាករ Cristiano Ronaldo, David Beckham, Eric Cantona និង George Best ជាដើម។ ប៉ុន្តែនៅប៉ុន្មានឆ្នាំចុងក្រោយនេះមិនទាន់មានកីឡាករកំពូលណាម្នាក់អាចមកស្នងយកអាវលេខ៧នេះបានដល់កម្រិតកំពូលនៅឡើយទេ។ 

ជាមួយគ្នានេះ Man Utd ក៏អាចនឹងដូរលេខឲ្យកីឡាករ Mason Greenwood ផងដែរ ដោយសារតែតារាវ័យ១៨ឆ្នាំរបង្ហាញទម្រង់លេងបានយ៉ាងល្អនៅក្នុងរដូវកាលនេះ ពោលគឺអាចរកបានរហូតដល់១៧គ្រាប់ឯណោះ។ Greenwood អាចនឹងប្តូរពីលេខ២៦ទៅពាក់លេខ១១វិញ ដែលជាលេខរបស់អតីតតារាឆ្នើម Ryan Giggs ដែលធ្លាប់ជួយឲ្យ Man Utd លើកពានបាន១៣គ្រឿង។

គួរបញ្ជាក់ដែរថាក្លិបដែលដឹកនាំដោយលោក Ole Gunnar Solskjær មួយនេះឲ្យតម្លៃខ្លាំងបំផុតទៅលើ អាវលេខ៧ និង លេខ១១ ពីព្រោះជាលេខដែលវីរបុរសរបស់ក្លិបធ្លាប់ពាក់ ដោយពួកគេបានជួយឲ្យ Man Utd មានមុខមានមាត់រហូតមកដល់សព្វថ្ងៃនេះ៕ 

ប្រភព៖ express