មិនសរសើរមិនបាន! ទើបសម្តែងជាមួយគ្នាលើកដំបូង តែ Kongthap Peak និង Bella ពិតជាសក្តិសមគ្នាខ្លាំង

ថៃ៖ តារាសម្តែងថ្មីលោក Kongthap Peak និងតារាសម្តែងស្រីដ៏ល្បីល្បាញកញ្ញា Bella Ranee កំពុងចាប់ដៃសម្តែងរួមគ្នាយ៉ាងសក្តិសម ក្នុងរឿងភាគមួយដែលមានចំណងជើងថា "Dow to Love: Hai Ruk Pipaksa" ។

គួរបញ្ជាក់ផងដែរថា នេះជារឿងភាគដំបូង ដែលតារាទាំងពីរបានធ្វើការ និងសម្តែងជាមួយគ្នា។ ហើយបើតាមប្រភពដដែលបានឲ្យដឹងថា សម្រាប់រឿងនេះគឺថតបាន ៦០ភាគរយហើយទល់នឹងពេលនេះ។

តួយ៉ាង កាលពីថ្មីៗនេះ តារាសម្តែងប្រុសស្រីទាំងពីររូបនេះ ព្រមទាំងតារាសម្តែងផ្សេងៗទៀត ទើបតែថតចប់នៅឯកោះ Phi Phi ជាកោះដែលមានសម្រស់ទេសភាពស្រស់ស្អាត និងល្បីនៅប្រទេសថៃ។

ជាក់ស្តែង ប៉ុន្មានថ្ងៃមុននេះ កញ្ញា Bella ក៏បានធ្វើការបង្ហោះរូបនៅក្នុងគណនី Instagram របស់នាង។ ហើយភ្លាមៗនោះ ហ្វេនៗជាច្រើនបានចូលខមិនសរសើរថា "នាងពិតជាស្រស់ស្អាតណាស់"​ រីឯហ្វេនៗមួយចំនួនទៀតខមិនថា "ពួកគេកំពុងរង់ចាំរឿងភាគថ្មីដែលនាងកំពុងថតនេះ"។
តើប្រិយមិត្តទាំងអស់គ្នាក៏កំពុងតែរង់ចាំទស្សនារឿងថ្មីរបស់លោក Kongthap Peak និងកញ្ញា Bella ដែរមែនទេ?

សូមទស្សនារូបខាងក្រោមនេះ៖