ទោះមិនទាន់គិតដល់ថ្ងៃជ័យ តែ គីម ច័ន្ទបូរមី និងគូស្នេហ៍ មានក្ដីសុខខ្លាំង

ព្រះសីហនុ៖  ជាការពិតណាស់ បើទោះបីជាបច្ចុប្បន្ននេះ អតីត Freshie Girl និងជាតារាសម្ដែង គីម ច័ន្ទបូរមី មិនសូវលេចមុខក្នុងអាជីពសិល្បៈច្រើនដូចមុន ដោយសារនាងត្រូវទៅបន្តការសិក្សានៅក្រៅប្រទេស ប៉ុន្តែសម្រាប់ជីវិតរស់នៅប្រចាំថ្ងៃរបស់នាង អ្នកគាំទ្រនៅតែតាមដាននៅលើបណ្ដាញសង្គមមិនដែលខានផងដែរ។

ជាពិសេសនោះគឺ ចំណងស្នេហ៍របស់នាង ជាមួយកម្លោះសង្ហា  ពីមួយថ្ងៃទៅមួយថ្ងៃកាន់តែមានភាពផ្អែមល្ហែម និងទទួលបាននូវក្តីសុខយ៉ាងពេញលេញពីគូស្នេហ៍ជាញឹកញាប់។ ជាក់ស្ដែង ថ្មីៗនេះ បូរមី និងគូស្នេហ៍ ទើបតែដឹកដៃគ្នាទៅលំហែកាយនៅតាមឆ្នេរមាត់សមុទ្រ បង្កើតរូបភាពអនុស្សាវរីយ៍ថ្មីៗ លើទឹកដីខេត្តព្រះសីហនុ មើលទៅពិតជាមានក្ដីសុខ បើទោះបីជាពួកគេនៅមិនទាន់មានដំណឹងនៃការរៀបការក៏ដោយ ប៉ុន្តែសម្រាប់ទង្វើនិងកាយវិការបស់គូនេះ ពិតជាស្វីតមិនឲ្យចាញ់គូស្នេហ៍ដទៃឡើយ។

តាមរយៈរូបភាព ដ៏ស្និទ្ធិស្នាលរវាងពួកគេទាំងពីរ ពិតជាធ្វើឲ្យមហាជនដែលជាអ្នកគាំទ្រជាច្រើន សប្បាយរីករាយ និងលួចច្រណែនសម្រាប់ជីវិតគូដ៏មានសុមង្គលរបស់តារារូបនេះជាហូរហែរ ពិសេសគេក៏កំពុងទន្ទឹមរង់ចាំស្ដាប់ដំណឹងល្អឆាប់ៗពីគូនេះផងដែរ៕

ទស្សនារូបភាពខាងក្រោម៖