យល់ដឹង៖ មានការចុះផ្សាយ ព័ត៌មានជាច្រើន អំពីមហាសេដ្ឋី ដែលមានទ្រព្យសម្បត្តិច្រើនបំផុត លើលោក ប៉ុន្តែអ្នកមានដែល ងឿឆ្ងល់ដែលទេថា តើនៅក្នុងពិភពលោកទាំងមូលនេះ តើក្រុមណា ដែលមានទ្រព្យសម្បត្តិ និងប្រាក់ចំណូល ច្រើនជាងគេបំផុតទៅ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភាគច្រើន ក្រុមហ៊ុនដែលមានចំណូល និងមានជាងគេបំផុតនោះគឺ ច្រើនតែជាក្រុមហ៊ុន ប្រេង បច្ចេកវិទ្យា ជាដើម។ ហើយក្រុមហ៊ុនទាំងនោះ ភាគច្រើនមានទីតាំង នៅតាមប្រទេស មហាអំណាចធំៗ មួយចំនួន ដូចជាប្រទេសចិន ចក្រភពអង់គ្លេស សហរដ្ឋអាមេរិក និងអារ៉ាប៊ីសាអូឌីត ជាដើម។
ជាក់ស្តែង ខាងក្រោមនេះគឺជា ចំណាត់ថ្នាក់ក្រុមហ៊ុន ដែលត្រូវបានគេចាត់ទុក ថាជាក្រុមហ៊ុន ដែលមានជាងគេបំផុត នៅក្នុងសាកលលោក នាពេលបច្ចុប្បន្ននេះផងដែរ៕
ចង់ច្បាស់សូមទៅតាមដានទាំងអស់គ្នា៖
១. Walmart
ប្រាក់ចំណូលប្រចាំឆ្នាំ៖ ៥២៣ ប៊ីលានអាមេរិក
ក្រុមហ៊ុនWalmart ត្រូវបានបង្កើតឡើង ដោយលោកSam Walton នៅក្នុងឆ្នាំ១៩៦២ ។ ក្រុមហ៊ុនមួយនេះ មានការិយាល័យកណ្តាល នៅទីក្រុងប៊េនតុនវីល (Bentonville) ក្នុងរដ្ឋអាកានសាស់ សហរដ្ឋអាមេរិក។ ក្រុមហ៊ុននេះ មានបុគ្គលិកសរុបចំនួន២.៣លាននាក់ ពង្រីកជាសាកល កាលពីឆ្នាំ២០១៨ នៅក្នុង២៧ប្រទេស និងមានហាងសរុបជាង ១១,០០០ ផងដែរ។
២. Saudi Aramco
ប្រាក់ចំណូលប្រចាំឆ្នាំ៖ ៣៥៥.៩ ប៊ីលានអាមេរិក
ក្រុមហ៊ុនSaudi Aramco ជាក្រុមហ៊ុនប្រេងឥន្ធនៈ និងឧស្ម័នធម្មជាតិ ដែលគ្រប់គ្រងដោយ រដ្ឋាភិបាល អារ៉ាប៊ីសាអូឌីត។ យោងតាម មជ្ឈមណ្ឌលរដ្ឋបាលDhahran បានឲ្យដឹងថា ប្រទេស អារ៉ាប៊ីសាអូឌីត ជាក្រុមហ៊ុនមួយ ដែលមានប្រាក់ចំណូលប្រចាំឆ្នាំ ខ្ពស់បំផុត និងរកបានចំណូល បានយ៉ាងខ្ពស់បំផុត មួយផងដែរ។ ក្រុមហ៊ុនមួយនេះ មានបុគ្គលិកសរុប ចំនួន៧៦.០០០នាក់ បង្កើតឡើង កាលពីឆ្នាំ១៩៣៣។
៣. Sinopec Group
ប្រាក់ចំណូលប្រចាំឆ្នាំ៖ ៤១៤.៦៥ ប៊ីលានអាមេរិក
Sinopec Group មានបុគ្គលិកសរុប ចំនួន២៤៩.១៤២នាក់ បង្កើតឡើង កាលពីឆ្នាំ២០១៨។ សាជីវកម្មគីមីឥន្ធនៈ ចិនមួយនេះគឺ ជាសហគ្រាសប្រេងកាត និងឥន្ធនៈគីមីទំនើប ដែលបង្កើតឡើង ដោយរដ្ឋកាលពី ខែកក្កដាឆ្នាំ១៩៩៨។
៤. Royal Dutch Shell
ប្រាក់ចំណូលប្រចាំឆ្នាំ៖ ៣៩៦.៥៦ ប៊ីលានអាមេរិក
ត្រូវបានគេស្គាល់ ជាទូទៅថាជាShell គឺជាក្រុមហ៊ុន ប្រេងនិងឧស្ម័ន ជាតិអង់គ្លេស និងហូឡង់ ដែលមាន ការិយាល័យកណ្តាល នៅក្នុងប្រទេសហូឡង់ និងបានដាក់បញ្ចូលនៅ ក្នុងប្រទេសអង់គ្លេស។ វាមានស្ថាននី បម្រើសេវាសរុប ចំនួន៤៤,០០០កន្លែង ក្នុង៧០ប្រទេស នៅជុំវិញពីភពលោក។ Shell ជាក្រុមហ៊ុនដែលធំបំផុត នៅក្នុងសហភាព អឺរ៉ុប ហើយក៏ជាក្រុមហ៊ុន ដែលធំបំផុតមួយ នៅលើសាកលលោកផងដែរ។
៥. China National Petroleum Corporation
ប្រាក់ចំណូលប្រចាំឆ្នាំ៖ ៣៩២.៩៨ ប៊ីលានអាមេរិក
China National Petroleum Corporation (CNPC) គឺជាក្រុមហ៊ុន ផលិតប្រេងនិង ឧស្ម័នដ៏ធំមួយ ដែលមានការិយាល័យកណ្តាល នៅក្នុងទីក្រុងប៉េកាំង ប្រទេសចិន។ ក្រុមហ៊ុននេះ ត្រូវបានបង្កើតឡើង កាលពីឆ្នាំ១៩៨៨ មានបុគ្គលិកសរុប ចំនួន១.៦៣៦.៥៣២ នាក់គិតត្រឹមឆ្នាំ២០១៤ ។
៦. State Grid Corporation of China
ប្រាក់ចំណូលប្រចាំឆ្នាំ៖ ៣៨៧ ប៊ីលានអាមេរិក
ក្រុមហ៊ុននេះ ត្រូវបានបង្កើតឡើង ក្នុងឆ្នាំ២០០២ មានការិយាល័យកណ្តាល នៅទីក្រុងប៉េកាំង បុគ្គលិកសរុបចំនួន៩០០,០០០ នាក់។ នេះគឺជាក្រុមហ៊ុន ថាមពលអគ្គិសនីដែលជា កម្មសិទ្ធិផ្តាច់មុខដោយរដ្ឋ ក្នុងការបញ្ចូល ថាមពលនុយក្លេអ៊ែរ។
៧. Exon Mobil
ប្រាក់ចំណូលប្រចាំឆ្នាំ៖ ២៩០.២ ប៊ីលានអាមេរិក
Exon Mobil គឺជាក្រុមហ៊ុនសាជីវកម្ម ប្រេងនិងឧស្ម័នចម្រុះ របស់អាមេរិក ដែលមានទីស្នាក់ការ នៅរដ្ឋតិចសាស់ អាមេរិក។ ក្រុមហ៊ុននេះ បង្កើតឡើង កាលពីឆ្នាំ១៩៩៩ បុគ្គលិកសរុប ចំនួន៧១,០០០ នាក់ ក្នុងឆ្នាំ២០១៨។
៨. Volkswagen
ប្រាក់ចំណូលប្រចាំឆ្នាំ៖ ២៧៨.៣៤ ប៊ីលានអាមេរិក
Volkswagen គឺជាក្រុមហ៊ុនផលិត រថយន្តធំជាងគេ នៅទូទាំងពិភពលោក របស់អាល្លឺម៉ង់ តាមរយៈការលក់ ក្នុងឆ្នាំ២០១៦ និង២០១៧ បង្កើតឡើង នៅឆ្នាំ១៩៣៧ មានការិយាល័យកណ្តាល នៅទីក្រុងWolfsburg ។
៩. Toyota Motor
ប្រាក់ចំណូលប្រចាំឆ្នាំ៖ ២៧២.៦ ប៊ីលានអាមេរិក
Toyota Motor ត្រូវបានបង្កើតឡើង ក្នុងឆ្នាំ១៩៣៧ ដោយលោកKiichiro Toyoda មានការិយាល័យកណ្តាល ក្នុងប្រទេសជប៉ុន។ បន្ទាប់ពីក្រុមហ៊ុនVolkswagen មក Toyota គឺជាក្រុមហ៊ុន ដែលឈរនៅចំណាត់ថ្នាក់ទី២ ជាក្រុមហ៊ុនផលិតរថយន្ត ដ៏ធំបំផុតលើលោក។
១០. Apple
ប្រាក់ចំណូលប្រចាំឆ្នាំ៖ ២៦០.២ ប៊ីលានអាមេរិក
Apple ត្រូវបានរកឃើញដំបូង ក្នុងឆ្នាំ១៩៧៦ ដោយSteve Wozniak, Ronald Wayne, និងSteve Jobs មានការិយាល័យកណ្តាល ក្នុងរដ្ឋកាលីហ្វ័រញ្ញ៉ា សហរដ្ឋអាមេរិក។ ក្រុមហ៊ុននេះ ផ្តោតទៅលើបច្ចេកវិទ្យា មានដូចជាកុំព្យូទ័រ ទូរស័ព្ទ និងឧបករណ៍ជាច្រើនទៀត។ ក្រុមហ៊ុនApple មានការលូតលាស់ មានបុគ្គលិករហូតជាង១៣០,០០០នាក់ រាប់ពាន់ការិយាល័យ ហាង ព្រមទាំងកន្លែង ផ្តល់សេវាកម្ម នៅទូទាំងសាកលលោកផងដែរ។
ប្រភព៖ groovewallet , financesonline