ចិនដាក់ដំណើរការសាកល្បងនូវនាវាចម្បាំង-ដឹកឧទ្ធម្ភាគចក្រ​​ថ្មី

ប៉េកាំង៖ យោងតាមរូបថតនៅលើបណ្តាញផ្សព្វផ្សាយ​​ចិនបាន​ឱ្យដឹងថា កងទ័ពជើងរបស់ប្រទេសចិនបានដាក់ដំណើរការសាកល្បង នូវនាវាចម្បាំង​ថ្មី​ ដែល​​អាចផ្ទុក​ឧទ្ធម្ភាគចក្របានច្រើនគ្រឿង​ នៅ​លើផ្ទៃសមុទ្រក្នុងសប្តាហ៍នេះ។ ​

របាយការណ៍របស់ទីភ្នាក់ងារសារព័ត៌មាន The Drive និង USNI បានរាយការណ៍ថា នាវាចម្បាំង-ដឹកឧទ្ធម្ភាគចក្រ​របស់​​ទ័ពជើងទឹកនៃកងទ័ពរំដោះប្រជាជនចិន ប្រភេទ ០៧៥ បានធ្វើដំណើរទៅ​រកគោលដៅ ដោយចាកចេញពី​​កំពង់ផែ Hudong-Zhonghua ទីក្រុងសៀងហៃ កាលពីថ្ងៃពុធកន្លងទៅនេះ។

សូមជម្រាបដែរថា នាវាចម្បាំង-ដឹកឧទ្ធម្ភាគចក្រប្រភេទ ​០៧៥ គឺជានាវាជំនាន់​ថ្មី ដែលមានទម្ងន់ ៤០ម៉ឺនតោន  និង​មានសមត្ថភាពអាចដឹកឧទ្ធម្ភាគចក្របានចំនួន ៣០គ្រឿង។ មិនតែប៉ុណ្ណោះ វាក៏អាចផ្ទុក​រថក្រោះ រថពាសដែក បូករួម​ទាំងទាហានជើងទឹកបាន​រាប់រយនាក់ផងដែរ។ ហើយបើតាមការិយាល័យស៊ើបការណ៍​បាន​ឱ្យដឹងកាលពីខែកុម្ភៈថា ​កងទ័ពជើងរបស់ចិន បាននឹងកំពុងសាងសង់​នាវាធុនធ្ងន់ចំនួន ៣គ្រឿងបន្ថែមទៀត៕