តារាយូធូប Jack Paul សង្ស័យជាប់ពាក់ព័ន្ធបទល្មើស ត្រូវប៉ូលីស FBI​ មករឹបអូសបានកាំភ្លើងយ៉ាងច្រើន

បរទេស៖ តារាប្រចាំគេហទំព័រយូធូប Jack Paul ត្រូវបានបូ៉លីស FBI ទៅរកដល់ផ្ទះ ថែមទាំងរឹបអូសអាវុធទាំងអស់ដែលនៅក្នុងផ្ទះខ្ទេច ក្រោយពីពួកគេសង្ស័យថា តារាវ័យក្មេងម្នាក់នេះ មានជាប់ពាក់ពន័្ធទៅនឹង បទល្មើសនៅ Arizona កាលពីពេលកន្លងមក។    

ដោយឡែក កាលពីថ្មីៗនេះ បូ៉លីស FBI បានទៅដល់ផ្ទះJack Paul ដើម្បីឆែកឆេរនិង បានដកហូតអាវុធជាច្រើន ក្រោយពីសង្ស័ុយថា តារាប្រុសរូបនេះ ជាប់ទាក់ទងទៅនឹង បទល្មើសធ្វើកុប្បកម្មនិង ការប្លន់ទ្រព្យសម្បត្តិអ្នកដទៃផងដែរ ពោលគឺតាំងពី មានប្រជាជនជាច្រើន បានបង្កភាពចលាចល ដោយការបាតុកម្ម ដើម្បីទាមទារយុត្តិធម៌ឲ្យលោក George Floyd នៅArizona ផងដែរ។ 

ដោយពាក្យបណ្តឹងទៅកាន់ Jack Pau​l មួយនេះត្រូវបានដាក់តាំងពីដើមខែមិថុនាមកម្ល៉េះ ប៉ុន្តែជុំវិញរឿងមួយនេះ ក៏ត្រូវបាន តារាប្រុសវ័យក្មេងរូបនេះច្រានចោល ដោយនិយាយថា ខ្លួនគ្រាន់តែទៅរកអ្នកស្គាល់គ្នា ដើម្បីនៅក្នុងវ៉ូងបាតុកម្មនោះតែប៉ុណ្ណោះ មិនមែនមានបំណងបង្កើតភាពចលាចលអ្វីឡើយ។

គួររម្លឹកដែរថា រឿងក្តីនេះមិនទាន់បានបញ្ចប់នោះឡើយ ដោយស្ថិតនៅក្នុងការតាមដានរបស់ប៉ូលីសFBI នៅឡើយទេ៕

សូមចូលមើលរូបភាពខាងក្រោម៖