បៃរូត៖ រដ្ឋមន្ត្រីក្រសួងព័ត៌មានបានលើកឡើងថា កងក្រុមទាហាននឹងឃ្លាំមើលដើម្បីធ្វើការចាប់ខ្លួនរាល់អ្នកដែលពាក់ព័ន្ធដែលទទួលខុសឃ្លាំងទុកសារធាតុផ្ទុះនោះ និងអ្នកដែលមើលការខុសត្រូវនៅទីនោះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការផ្ទុះកាលពីថ្ងៃអង្គារបានបណ្តាលឱ្យមានការភ្ញាក់ផ្អើលនៅទូទាំងទីក្រុងដែលបណ្តាលឱ្យមានការ ខូចខាតយ៉ាងធំនៅជាយក្រុងបៃរូត។ ហើយក្រុមមន្រ្តីបាននិយាយថា ពួកគេថាចំនួនអ្នកស្លាប់នឹងកើនឡើងបន្ថែមទៀតនៅពេលដែលបុគ្គលិកសង្គ្រោះបន្ទាន់ជីកដី និងកម្ទេចថ្មដើម្បីស្វែងរកអ្នកនៅរស់។
គណៈរដ្ឋមន្រ្តីរបស់ប្រទេសលីបង់បានប្រកាសអាសន្នរយៈពេលពីរសប្តាហ៍នៅក្នុងរដ្ឋធានីនេះ និងមានទំនួលខុសត្រូវក្នុងការគ្រប់គ្រងសន្តិសុខនៅក្នុងរដ្ឋធានីដល់កងយោធា បន្ទាប់ពីមានការផ្ទុះដ៏ធំមួយនៅរដ្ឋធានាបៃរូត ដែលបច្ចុប្បន្នបានសម្លាប់មនុស្សយ៉ាងហោចណាស់ ១៣៥ នាក់ និងរងរបួស ៥.០០០ នាក់។
អភិបាលក្រុងបៃរូត លោក Marwan Abboud បាននិយាយថា ប្រជាជនរហូតដល់ទៅ ៣០០.០០០ នាក់បានបាត់បង់ផ្ទះសម្បែង ហើយអាជ្ញាធរកំពុងធ្វើការលើការផ្តល់ស្បៀងអាហារ ទឹក និងទីជម្រកដល់ពួកគេ។
គួរជម្រាបផងដែរថា មូលហេតុនៃការផ្ទុះមិនទាន់ដឹងច្បាស់នៅឡើយទេ។ ក្រុមមន្រ្តីបានសន្មតការផ្ទុះនេះកើតឡើងដោយសារសារធាតុអាម៉ូញ៉ូមនីត្រាតដែលរឹបអូសបានចំនួនប្រហែល ២.៧៥០ តោនដែលត្រូវបានរក្សាទុកនៅក្នុងឃ្លាំងមួយនៅកំពង់ផែអស់រយៈពេល ៦ ឆ្នាំ៕