អេស្ប៉ាញ៖ អតីតអ្នកចាំទីដៃទី១របស់ក្រុមជម្រើសជាតិអេស្ប៉ាញ កីឡាករ Iker Casillas បានប្រកាសចូលនិវត្តន៍ពីវិស័យកីឡាបាលទាត់ ក្នុងវ័យ៣៩ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សCasillas បានបញ្ចប់អាជីពរបស់គាត់នៅក្លិប Porto ដែលជាកន្លែងដែលគាត់ ចាប់ផ្ដើមានបញ្ហាសុខភាព ពោលគាត់ធ្លាប់ជួបបញ្ហាបេះដូង កំឡុងពេលហ្វឹកហាត់នៅខែឧសភា ឆ្នាំ២០១៩ កន្លងទៅ ហើយជំងឺនេះ បានតាមរំខានគាត់ មិនអាចឲ្យគាត់ ចូលលេងឲ្យក្រុមបានពេញលេញនោះទេ។
យ៉ាងណាមិញ ក្រោយជួបបញ្ហាទាំងនេះ អមជាមួយវ័យកំពុងជ្រេរដែរនោះ Casillas ក៏សម្រេចចិត្តព្យួរស្រោមដៃត្រឹមឆ្នាំ២០២០នេះ។ ជាមួយគ្នានេះ បន្ទាប់ពីអ្នកចាំទីសញ្ជាតិអេស្ប៉ាញ ប្រកាសចូលនិវត្តន៍ ក្លិប Real Madrid ក៏បានបង្ហោះសារមួយនៅលើបណ្ដាញសង្គម Twitter ដោយសរសេររៀបរាប់យ៉ាងដូច្នេះថា៖
គួររម្លឹកដែរថា Casillas បានចំណាយពេល ២៥ឆ្នាំ នៅ Real Madrid ក្នុងនោះគេធ្លាប់ជួយក្រុមឈ្នះពានរង្វាន់ជាច្រើនរួមាន ពាន Champions League ៣ដង ពាន La Liga ៥ដង ពាន FIFA Club World Cup ១ដង ពាន UEFA Super Cup ២ដង និង ពានផ្សេងៗទៀត ក្នុងប្រទេសអេស្ប៉ាញ។
ដោយឡែកក្រឡេកមើលក្នុងក្រុមជម្រើសជាតិវិញ Casilla ធ្លាប់ជួយក្រុម អេស្ប៉ាញលើកពាន World Cup ក្នុងឆ្នាំ២០១០ និងពាន UEFA Euro ឆ្នាំ២០០៨/២០១២៕
ប្រភព៖ talksport