កូរ៉េខាងត្បូង៖ កាលពីថ្មីៗនេះ តារាសម្តែងស្រីអ្នកមេម៉ាយក្តៅស្រួយ Song Hye Kyo ដែលស្គាល់ជា ហ៊ាន់ ជីអ៊ុន បានបង្ហោះនូវរូបភាពថ្មីៗ ប្លែកភ្នែកជាច្រើនសន្លឹក ដែលបានបង្ហាញ សម្រស់ ដ៏សែនលេចធ្លោ ក្នុងវ័យ ក្បែរ៤០ទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរូបភាពប៉ុន្មានសន្លឹកនេះ ត្រូវបានមហាជន ចាប់អារម្មណ៍ជាខ្លាំង ជាមួយការតុបតែងរបស់តារាស្រីរូបនេះ យ៉ាងស្រស់ស្អាតបំផុត ជាមួយស្នាមញញឹមបង្កប់ទៅដោយមន្តស្នេហ៍ ស៊ីគ្នាជាមួយការផាត់មុខបែបស្រាល តែគូសក្រោមភ្នែកពណ៌ខ្មៅដិត បានលើករូបសម្រស់នាង កាន់តែទ្វេដង។
ជាមួយនឹងស្ទាយ៍ ថតបង្ហាញម៉ូតគ្រឿងអលង្ការ របស់ តារាសម្តែងរូបនេះ មើលទៅពិតជាស៊ីចស៊ី ពោរពេញទៅដោយ ទំនុកចិត្ត បានធ្វើឲ្យ រូបនាង កាន់តែទាក់ទាញថែមមួយកម្រិតទៀត បានពង្វក់ស្មារតី អ្នកគាំទ្រមិនស្ទើរ ជាមួយសម្រស់ដ៏សែនចែងចាំងរបស់នាងផងដែរ។
យ៉ាងណាមិញ នេះជាការបង្ហាញខ្លួនលើកដំបូងរបស់នាង បន្ទាប់ពីមានពាក្យចចាមអារ៉ាមអំពីការណាត់ជួបជាមួយនឹងគូស្នេហ៍ចាស់របស់នាងលោក Hyun Bin ដែលកន្លងទៅរយៈពេលមួយឆ្នាំ ដែលតារាស្រីរូបនេះ បានលែងលះជាផ្លូវការជាមួយស្វាមីក្មេង របស់នាង លោក Song Joong Ki៕
សូមទស្សនារូបខាងក្រោម៖