លីបង់៖ ប្រធានាធិបតីលីបង់កំពុងអំពាវនាវឱ្យមានការដាក់រដ្ឋក្នុងគ្រាអាសន្នរយៈពេលពីរសប្តាហ៍បន្ទាប់ពីការផ្ទុះដ៏ធំខ្លាំងក្លាមួយនៅក្នុងរដ្ឋធានីកាលពីល្ងាចថ្ងៃអង្គារ ម្សិលមិញ។ មនុស្សយ៉ាងហោចណាស់ចំនួន ៧៨ នាក់បានស្លាប់ និងជិត ៤០០០ នាក់រងរបួស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍ផ្ទុះដ៏ខ្លាំងក្លាមួយនេះកើតឡើងនៅតំបន់កំពង់ផែនៃរដ្ឋធានីបៃរូត ប្រទេសលីបង់ ដែលបានបង្កឲ្យតំបន់មួយចំនួនរងការបំផ្លិចបំផ្លាញ ហើយបន្តខូចខាតជាបន្ដបន្ទាប់។ មន្ត្រីម្នាក់នៃកាកបាទក្រហមលីបង់ បានឲ្យដឹងថា មនុស្សជិត ៤០០០ នាក់រងរបួសនៅក្នុងហេតុការណ៍ផ្ទុះដ៏ខ្លាំងក្លានេះ ប៉ុន្តែលោកនៅមិនទាន់ដឹងពីតួលេខជនរងគ្រោះពិតប្រាកដនៅឡើយទេ។
ការស៊ើបអង្កេតកំពុងដំណើរការដើម្បីរកមូលហេតុពិតប្រាកដនៃការផ្ទុះនេះ ដោយក្នុងនោះគេបានដឹងថា នៅក្នុងរដ្ឋធានីបៃរូត មានផ្ទុកអាម៉ូញ៉ូមនីត្រាតចំនួន ២.៧៥០ តោន ដែលត្រូវបានរក្សាទុកមិនមានសុវត្ថិភាព។ ក្រុមប្រឹក្សារដ្ឋការពារជាតិលីបង់បាននិយាយថា អ្នកដែលទទួលខុសត្រូវនឹងប្រឈមមុខនឹង “ការដាក់ទណ្ឌកម្មជាអតិបរមា” ដែលអាចកើតមាន។
គួរបញ្ជាក់ផងថា លោកប្រធានាធិបតីលីបង់ លោក Michel Aoun បានប្រកាសពីការកាន់ទុក្ខរយៈពេល ៣ ថ្ងៃ ហើយបាននិយាយថា រដ្ឋាភិបាលនឹងបញ្ចេញថវិកាបន្ទាន់ចំនួន ១០០ ពាន់លានលីរ៉ា ស្មើនឹង ៥០,៥ លានផោន ស្មើនឹង ៦៦ លានដុល្លារអាមេរិកដើម្បីជួយដល់គ្រួសារអ្នកស្លាប់៧៨នាក់ និងព្យាបាលជនរងគ្រោះជាង ៤០០០ នាក់ ព្រមទាំងរៀបចំបោសសម្អាតទីកន្លែងដែលបានផ្ទុះនោះ៕
សូមទស្សនារូបភាព និងវីដេអូខាងក្រោម៖