បរទេស៖ គិតត្រឹមថ្ងៃពុធ ទី០៥ ខែសីហា ឆ្នាំ២០២០នេះ ចំនួនអ្នកស្លាប់ដោយសារជំងឺកូវីដ-១៩ ទូទាំងពិភពលោកបានកើនឡើងដល់ជាង៧០០,០០០នាក់ហើយ ដោយសហរដ្ឋអាមេរិក ប្រេស៊ីល ឥណ្ឌា និងមុិកសុិក ស្លាប់ច្រើនជាងគេ។ នេះបើតាមការចេញផ្សាយរបស់ទីភ្នាក់ងារសារព័ត៌មាន CNA ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក យោងតាមការគណនារបស់ រ៉យទ័រ ដោយផ្អែកលើទិន្នន័យកាលពី២សប្ដាហ៍មុនបានឲ្យដឹងថា មានមនុស្សយ៉ាងហោចណាស់ជិត៥,៩០០នាក់ បានស្លាប់រៀងរាល់២៤ម៉ោងម្ដង ដែលក្នុង១ម៉ោងស្មើនឹង២៤៧នាក់ ឬ ជាមធ្យមក្នុងរយៈពេល១៥វិនាទីស្លាប់ម្នាក់។
គួរឲ្យដឹងដែរថា បច្ចុប្បន្ននេះអាមេរិកឡាទីន គឺជាតំបន់មួយដែលរងគ្រោះខ្លាំងជាងគេ ទោះបីជំងឺកូវីដ-១៩ ហាក់ជ្រៀតចូលក្នុងទ្វីបនេះយឺតយ៉ាវបន្ដិចក៏ដោយ។ ហើយដោយឡែក ចំពោះតំបន់អាស៊ីវិញ ឥណ្ឌាគឺជាប្រទេសដែលរងគ្រោះខ្លាំងបំផុត ដោយមនុស្សប្រមាណ ៥៥,០០០នាក់បានបាត់បង់ជីវិត និងមនុស្សជិត២លាននាក់បានឆ្លងជំងឺកាចសាហាវនេះ។
យ៉ាងណាមិញ បើយោងតាមគេហទំព័រ Worldometer គិតត្រឹមរសៀលថ្ងៃពុធនេះ បានបង្ហាញថា ករណីឆ្លងកូវីដ-១៩ ទូទាំងពិភពលោកបានបន្ដកើនដល់ ១៨,៧០៩,១៦១នាក់ ដោយក្នុងនោះស្លាប់ចំនួន ៧០៤,៤៣៨នាក់ និងជាសះស្បើយចំនួន ១១,៩២៦,២២៤នាក់៕
សូមទស្សនារូបភាពខាងក្រោម៖