កូរ៉េខាងត្បូង៖ សហព័ន្ធកីឡាបាល់ទាត់កូរ៉េខាងត្បូងបាននិយាយនៅថ្ងៃអង្គារនេះថា ខ្លួននឹងធ្វើតេស្តរកជំងឺ COVID-១៩ ជាលើកទី ២ លើកីឡាករ និងគ្រូបង្វឹកទាំងអស់ក្នុងក្រុមទាំង ២២ របស់ខ្លួនដែលបានចែកជា ២ ក្របខ័ណ្ឌនៅសប្តាហ៍ក្រោយដែលនេះគឺជាផ្នែកមួយនៃវិធានការណ៍ការពារជាមុនប្រឆាំងនឹងជំងឺ COVID-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសហព័ន្ធកីឡាបាល់ទាត់អាជីពកូរ៉េ (K League) បាននិយាយថាក្រុមទាំង ១២ ដែលស្ថិតក្នុងក្របខ័ណ្ឌលីកទី ១ និងក្លិបចំនួន ១០ នៅលីកលីគទី ២ នឹងត្រូវឆ្លងកាត់ការធ្វើតេស្តម្ដងទៀត បន្ទាប់ពីមានការធ្វើតេស្តរួមគ្នាលើកដំបូងរបស់ពួកគេកាលពីខែមេសា។
របាយការណ៍បាននិយាយថា លទ្ធផលតេស្តគួរតែត្រូវបានរាយការណ៍ទៅលេខាធិការដ្ឋាន K League នៅថ្ងៃទី ១៤ ខែសីហា។
មុនពេលរដូវកាលឆ្នាំ ២០២០ បានចាប់ផ្តើមនៅខែឧសភា មានមនុស្សចំនួន ១៤៤២ នាក់ក្នុងក្រុមទាំង ២២ របស់ K League បានឆ្លងកាត់ការធ្វើតេសត៍រកជំងឺ COVID-១៩ រួចហើយ ប៉ុន្តែលទ្ធផលធ្វើតេស្តគឺអវិជ្ជមាន៕
ប្រភព៖ ទីភ្នាក់ងារសារព័ត៌មានស៊ីនហួរ