បៃរូត៖ ករណីផ្ទុះដ៏ខ្លាំងក្លាមួយចេញពីឃ្លាំងផ្ទុកគ្រឿងផ្ទុះនៅកំពង់ផែនៃរដ្ឋធានីបៃរូត (Beirut) ប្រទេសលីបង់ បានសម្លាប់មនុស្សយ៉ាងហោចណាស់ ៧៨នាក់ និងរបួសជិត ៤០០០នាក់ ព្រមទាំងបង្កឲ្យមានការខូចខាតយ៉ាងច្រើនសន្ធឹកសន្ធាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អាជ្ញាធរក្នុងតំបន់បានឱ្យដឹងថា ហេតុការណ៍ផ្ទុះដ៏កក្រើកនេះបានកើតឡើងកាលពីរសៀលថ្ងៃអង្គារ ហើយចំនួនអ្នកស្លាប់អាចនឹងកើនឡើងច្រើនទៀត ស្របពេលដែលក្រុមអ្នកជួយសង្គ្រោះនៅតែបន្តស្វែងរកអ្នកស្លាប់ និងអ្នករងរបួស ដែលបានកប់ជាប់នៅក្រោមគំនរបាក់បែក។
នៅក្នុងហេតុការណ៍ដ៏អាក្រក់ ដែលបានកើតឡើងនេះ លោកប្រធានាធិបតី Michel Aoun បានលើកឡើងយ៉ាងដូច្នេះថា៖
ការរក្សាទុកនូវសារធាតុ អាម៉ូញ៉ូមនីត្រាត (ammonium nitrate) ដែលប្រើនៅក្នុងជី និងគ្រាប់បែក ប្រមាណ ២,៧៥០តោន ដោយដាក់ក្នុងឃ្លាំងនៅកំពង់ផែ អស់រយៈពេល៦ឆ្នាំ ទាំងមិនមានវិធានការការពារសុវត្ថិភាពឱ្យបានត្រឹមត្រូវនោះ វាគឺជារឿងមួយដែលមិនអាចទទួលយកបានទេ។
សូមជម្រាបផងដែរថា បច្ចុប្បន្នអ្នករងរបួសមួយចំនួនធំ ត្រូវបានគេបញ្ជូនទៅព្យាបាលនៅខាងក្រៅរដ្ឋធានី ពីព្រោះមន្ទីរពេទ្យក្នុងរដ្ឋធានីបៃរូត គឺពោរពេញទៅដោយអ្នករបួស ហើយរថយន្តសង្គ្រោះបន្ទាន់រាប់សិបគ្រឿង មកពីភាគខាងជើង ភាគខាងត្បូង និងភាគខាងកើតនៃរដ្ឋធានី ត្រូវបានគេហៅមក ដើម្បីឱ្យជួយដឹកជនរងគ្រោះយកទៅព្យាបាល៕
សូមទស្សនាវីដេអូខាងក្រោម៖
Bong I.T