យន្តហោះអង្គការសហប្រជាជាតិ ​ជួបឧបទ្ទេវហេតុ​ពេលកំពុងចុះចត​ បណ្តាលឱ្យមនុស្ស១១នាក់រងរបួស

បាម៉ាកូ៖ ឆ្មាំបេសកកម្មរក្សាស្ថេរភាពចម្រុះ​នៅប្រទេសម៉ាលី (MINUSMA) បាន​រាយការណ៍ថា មនុស្សចំនួន១១នាក់ ដែល​ក្នុងនោះមានទាំងបុគ្គលិករបស់អង្គការសហប្រជាជាតិជាច្រើននាក់ បានរងរបួសបន្ទាប់ពីយន្តហោះ Antonov An-72 របស់អង្គការសហប្រជាជាតិ ចុះចតខុសបច្ចេកទេស នៅអាកាសយានដ្ឋាន​ទីក្រុង Gao ភាគខាងជើងប្រទេសម៉ាលី។ ​

នៅក្នុងសេចក្តីថ្លែងការណ៍របស់ MINUSMA ​បាន​ឱ្យដឹង​ថា យន្តហោះខាងលើនេះ បានហោះចេញពីរដ្ឋធានី Bamako កាលពីព្រឹកថ្ងៃច័ន្ទ ដោយមានបុគ្គលិកអង្គការសហប្រជាជាតិ ៤នាក់ និងសមាជិក​​អាកាសនិកចំនួន ៧នាក់។  ហើយ​នៅក្នុងឧបទ្ទេវហេតុ​ពេលកំពុង​ចុះចតនេះ បានធ្វើឱ្យយន្តហោះត្រូវរងការខូចខាតយ៉ាងខ្លាំង។

គួរឱ្យដឹងផងដែរថា បច្ចុប្បន្នអ្នករងរបួសទាំងអស់ត្រូវបានគេបញ្ជូនទៅសម្រាកព្យាបាលនៅមន្ទីរពេទ្យ ចំណែកមូល​ដែលបង្កជាគ្រោះមានថ្នាក់នេះ គេនៅមិនទាន់ដឹងច្បាស់នៅឡើយទេ។ ប៉ុន្តែបើតាមរូបភាពពីកន្លែងកើតហេតុ​បានបង្ហាញ​ឱ្យឃើញទឹកជាច្រើននៅជុំវិញយន្ដហោះ ​ដែល​​សន្និដ្ឋានបាន​ថា ​គ្រោះថ្នាក់នេះអាចនឹងកើតឡើងអំឡុង​ពេល ​​ឬក្រោយពេលព្យុះភ្លៀង​៕