ថ្មីទៀតហើយ! Post Malone អះអាងថាធ្លាប់ឃើញ ថាសហោះមនុស្សភពផ្កាយ

បរទេស៖ ពិតជាភ្ញាក់ផ្អើលនិង ចម្លែកខ្លាំងណាស់ ដែលតារាចម្រៀងសញ្ជាតិអាមេរិក ដែលមានសាក់ពេញមុខ Post Malone បាននិយាយអះអាងថា ខ្លួនធ្លាប់បានឃើញ ថាសហោះ របស់មនុស្សភពផ្កាយដល់ទៅ២ដង នៅកំពុងពេលដែលគាត់មានអាយុ១៦ឆ្នាំ ។

ដោយឡែក តារាប្រុសរូបនេះ បានផ្តល់កិច្ចសម្ភាស ទាក់ទិន​នឹងរឿងរ៉ាវមួយនោះផងដែរ នៅពេលដែលរូបលោក នៅជាក្មេងជំទង់ ដោយកាលនោះរស់នៅទីក្រុងញ៉ូយក ជាមួយនឹងមីងនិង ពូកាចនិង មុឺងម៉ាត់ទៀតផង ដែលតម្រូវឲ្យ តារាប្រុសម្នាក់នេះ ត្រូវចូលគេងមុនម៉ោង១០យប់ជារៀងរាល់ថ្ងៃ។ ប៉ុន្តែនាថ្ងៃមួយ រូបលោក នឹងបងប្អូនជីដូនមួយ បានឃើញពន្លឺម្យ៉ាងដែលភ្លឺខ្លាំងរហូតដល់ចាំងភ្នែក ហោះសំកាំងនៅលើមេឃដោយ មិនធ្វើចលនាមួយសន្ទុះរួច ហើយក៏ហោះបាត់លឿនដូចព្យុះមើលមិនទាន់ឡើយ ដែលធ្វើឲ្យពួកគេទាំងពីរនាក់ ភាំងមើលមុខគ្នាមួយសន្ទុះធំ។ រីឯមានពេលមួយទៀត តារាប្រុសរូបនេះនិង អ្នកជិតខាង៤នាក់ទៀត បានឃើញអ្វីម្យ៉ាងដែលមានទំហំមិនធំនោះទេ ប៉ុន្តែមានរូបរាងស្រដៀងថាសហោះ បន្ទាប់មកក៏ហោះចេញបាត់លឿន ដូចអ្វីដែលគាត់ធ្លាប់ឃើញជាមួយបងប្អូនជីមួយផងដែរ។

ទោះបីជាការអះអាងរបស់ Post Malone ដូចជាមិន​សូវច្បាស់ការក៏ពិតមែន ប៉ុន្តែមានហ្វេនតារាប្រុសជាច្រើនបានជឿសម្តីរបស់លោក ផងដែរ ក្នុងនោះគណនីមួយ ដែលដាក់រូប Justin Bieber បានឌឺលេងរបៀបលេងសើចទៅវិញថា ប្រហែលជាគាត់បានឃើញនាឡិកា Ben 10 ឬក៏ថាសហោះមិនដឹង៕

សូមចូលមើលរូបភាពខាងក្រោម៖