បរទេស៖ ស្ថិតក្នុងស្ថានភាពតានតឹងរវាងតិកតុកជាមួយសហរដ្ឋអាមេរិក កម្មវិធីដែលគ្រប់គ្រងដោយប្រទេសចិន កំពុងសម្រេចចិត្តជាលើកចុងក្រោយ មុននឹងចាកចេញពីប្រទេសចិន។ ក្រុមហ៊ុន ByteDance កំពុងពិចារណាបង្កើតទីស្នាក់ការកណ្ដាលជាសកល សម្រាប់កម្មវិធីតិកតុក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខណៈដែលទីក្រុងឡុងដ៍ត្រូវបានចុះបញ្ជី ជាទីក្រុងមានសក្ដានុពលមួយ ក្រុមហ៊ុន ByteDance បានបញ្ជាក់ថា ខ្លួនកំពុងពិចារណាលើទីតាំងនានា នៅខាងក្រៅសហរដ្ឋអាមេរិក។ ByteDance បានប្ដេជ្ញាចិត្តធ្វើជាក្រុមហ៊ុនសកល។ បើនិយាយពីស្ថានភាពបច្ចុប្បន្ននេះ ByteDance បានកំពុងវាយតម្លៃលទ្ធភាពនៃការបង្កើតទីស្នាក់ការកណ្ដាលរបស់កម្មវិធីតិកតុក នៅខាងក្រៅសហរដ្ឋអាមេរិក ដើម្បីបម្រើដល់អ្នកប្រើប្រាស់ជាសកល ឲ្យកាន់តែមានភាពប្រសើរជាងមុន។
នេះមិនមែនជាលើកទីមួយទេ ដែលប្រធានបទនៃការបង្កើតទីស្នាក់ការកណ្ដាលរបស់តិកតុក នៅខាងក្រៅសហរដ្ឋអាមេរិក បានឈានមកដល់លទ្ធភាពដែលអាចទៅរួច។ ប្រធានបទនៃទីស្នាក់ការកណ្ដាលរបស់តិកតុក បានកើតឡើងដំបូងនៅក្នុងឆ្នាំ២០១៩ ពោលប៉ុន្មានសប្ដាហ៍បន្ទាប់ពីគណៈកម្មាធិការវិនិយោគបរទេសរបស់អាមេរិក បានបើកការស៊ើបអង្កេតសន្តិសុខជាតិមួយ នៅក្នុងក្រុមហ៊ុនមេរបស់តិកតុក។
បន្ទាប់ពីបានដាក់សម្ពាធបន្ថែមពីរដ្ឋបាលរបស់លោក ត្រាំ វាត្រូវបានគេបញ្ជាក់ថា ByteDance នឹងត្រូវបង្ខំលក់ប្រតិបត្តិការរបស់តិកតុក នៅសហរដ្ឋអាមេរិក។ បច្ចុប្បន្ននេះ កម្មវិធីតិកតុកមិនទាន់មានទីស្នាក់ការកណ្ដាលជាសកល នៅឡើយទេ៕