រាជធានីភ្នំពេញ ៖ រថយន្ដឡង់គ្រីស្ស័របើកបរដោយបុរសម្នាក់ទំនងជាស្រវឹងស្រាផង បានបោះពួយបោលបុកម៉ូតូអាយខនពីក្រោយជិះគ្នា២នាក់ បណ្ដាលឱ្យរងរបួសជាទម្ងន់ដេករដូករណែលនៅលើផ្លូវ។ ចំណែកឯរថយន្ដបង្កព្យាយាមបើករត់ ប៉ុន្ដែមិនអាចគេចពីសមត្ថកិច្ចដែលតាមប្រមាញ់ចាប់នោះទេ ទីបំផុតអ្នកបើកបររថយន្ដបានបើកយករថយន្តទៅទុកចោលនៅក្នុងវត្ដមួយឈ្មោះវត្ដអង្គសិរីសួស្ដី ក្នុងសង្កាត់សំរោង ខណ្ឌសែនសុខ កាលពីវេលាម៉ោង៣និង១៥នាទីរសៀលថ្ងៃទី១ មេសា ២០១២ នៅតាមបណ្ដោយផ្លូវ១៥១ ក្នុងភូមិធំ សង្កាត់ពញាពន់ ខណ្ឌសែនសុខ ។
តាមប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុយុវជនរងគ្រោះទាំង២ដែលមិនស្គាល់អត្ដសញ្ញាណបានជិះម៉ូតូអាយខនតាមបណ្ដោយផ្លូវ១៥១ ពីលិចទៅកើត ។ លុះមកដល់ចំណុចកើតហេតុ ក៏ត្រូវរថយន្ដឡង់គ្រីស្ស័របើកបរដោយបុរសស្រវឹងម្នាក់បុកចំពីក្រោយពេញទំហឹងអូសជាច្រើនម៉ែត្រ បណ្តាលឱ្យអ្នកបើកបររងរបួសសុសសាច់ និងមុខមួយចំហៀង ឯអ្នកអង្គុយពីក្រោយរងរបួសបាក់ដៃស្តាំ ៕
បុប្ផា កោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]