អង់គ្លេស៖ កីឡាករជើងស៊ុតវ័យ១៨ឆ្នាំ Mason Greenwood បានជាប់ឈ្មោះជាកីឡាករល្អបំផុតរបស់ Manchester United ប្រចាំខែកក្កដា ក្រោយបង្ហាញខ្លួនបានទាំង៧ប្រកួតនៅខែកក្កដា ឲ្យក្រុមលោក Ole Gunnar Solskjær ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុង៧ប្រកួតនោះតារាសញ្ជាតិអង់គ្លេសរូបនេះរកបាន៤គ្រាប់ជួយឲ្យ Man Utd មានកៅអីទៅលេងពានរង្វាន់ UEFA Champions League រដូវកាលក្រោយ ពោលគឺឈរនៅលេខ៣ក្នុងតារាង Premier League ។
ជាក់ស្តែង Greenwood ទទួលបានការបោះឆ្នោតឲ្យ រហូតដល់ទៅ៤៦ភាគរយឯណោះ ដោយលើស ខ្សែបម្រើឆ្នើម Bruno Fernandes និងខ្សែប្រយុទ្ធ Anthony Martial ។ ជាមួយគ្នានេះ បើតាមរូបភាពដែលកីឡាកររូបនេះបង្ហោះនៅលើគណនី Instagram របស់គេផ្ទាល់ យើងមើលឃើញថាដៃខាងស្តាំរបស់គេមានស្នាមសាក់ថ្មីៗដែលរុំដោយផ្លាស្ទិក ប៉ុន្តែមិនអាចមើលឃើញថាជារូបអ្វីនោះទេ។
គួរឲ្យដឹងដែរថា Greenwood ឈ្នះពានមួយនេះជាលើកទី១ហើយក្នុងអាជីពជាកីឡាករឈុតធំរបស់គេ ហើយក៏ជាកីឡាករវ័យក្មេងជាងគេចាប់តាំងពីឆ្នាំ២០១៦មក ដែលមានលទ្ធភាពទទួលបានពានមួយនេះ៕
ប្រភព៖ thesun