កាន់តែធ្ងន់ធ្ងរ! អ្នកឆ្លងកូវីដ-១៩ នៅរៀតណាមកើនឡើង៦៥២ករណី ក្រោយរកឃើញ១០ករណីបន្ថែម ដែលក្នុងនោះមានគ្រូពេទ្យ១ករណី

វៀតណាម៖ នៅថ្ងៃទី០៤ ខែសីហា ឆ្នាំ២០២០នេះ ប្រទេសវៀតណាម បានរកឃើញអ្នកឆ្លងកូវីដ-១៩ ថ្មីចំនួន១០ករណីបន្ថែមទៀត ដែលក្នុងនោះ ៦ករណីគឺអ្នកជំងឺនៅក្នុងមន្ទីរពេទ្យស្រាប់ ១ករណីជាគ្រូពេទ្យក្នុងមន្ទីរពេទ្យដាណាង និង៣ករណីទៀត ជាអ្នកធ្លាប់មានទំនាក់ទំនងនឹងអ្នកឆ្លងកូវីដ-១៩។

ក្នុងចំណោមអ្នកឆ្លងថ្មីទាំង១០ខាងលើ មាន៧នាក់រស់នៅក្នុងទីក្រុងដាណាង (Da Nang) និង ៣នាក់រស់នៅខេត្ដក្វាងណាម (Quang Nam) ដែលមានអាយុចន្លោះពី៣០ឆ្នាំ ដល់ ៦៨ឆ្នាំ។

បច្ចុប្បន្ននេះ ប្រទេសវៀតណាមមានអ្នកឆ្លងសរុបកើនឡើងដល់ ៦៥២នាក់ ក្នុងនោះ ៦នាក់បានបាត់បង់ជីវិតចាប់តាំងពីថ្ងៃសុក្រសប្ដាហ៍មុន ដែលពួកគេមានអាយុចន្លោះពី៥៣ឆ្នាំ ដល់ ៨៦ឆ្នាំ ហើយសុទ្ធសឹងជាអ្នកជំងឺមានរោគប្រចាំកាយរ៉ាំរ៉ៃស្រាប់ផងដែរ ខណៈអ្នកជំងឺ១៣នាក់ផ្សេងទៀត គឺកំពុងស្ថិតក្នុងស្ថានភាពធ្ងន់ធ្ងរនៅឡើយ។

គួរឲ្យដឹងដែរថា ក្រៅពីទីក្រុងដាណាង នៅឯតំបន់ផ្សេងៗទៀត រួមមានទីក្រុងហូជីមីញឥឡូវនេះ ក៏បានកត់ត្រាចំនួន ៨ករណីផងដែរ ហើយខេត្ដក្វាងណាម និងដាក់ឡាក់ (Đắk Lắk) បានកត់ត្រាចំនួន ៣ករណីដូចគ្នា។ ដោយឡែក ប្រជាជនទូទាំងប្រទេសវៀតណាមប្រមាណ ១៣៣,០០០នាក់ផ្សេងទៀត គឺកំពុងធ្វើចត្ដាឡីស័ក៕

សូមទស្សនារូបភាពខាងក្រោម៖