ថៃ៖ គឺជារឿងដ៏គួរឲ្យចាប់អារម្មណ៍មួយទៀតដែរ សម្រាប់តារាសម្ដែងប្រុស Ken Phupoom បន្ទាប់ពីកម្លោះសង្ហារូបនេះ បានសម្រេចចិត្តចាកចេញពីប៉ុស្ដិ៍លេខបី មិនបានបន្តកុងត្រាថ្មីទៀតនោះទេ ដោយសារលោកចង់ធ្វើជាតារាឯករាជ្យវិញ ដោយក្នុងនោះដែរ Ken ក៏មិនទាន់បានប្រាប់ពីមូលហេតុដែលលោកចាកចេញដែរ ខណៈបច្ចុប្បន្ន យើងនៅមិនទាន់ឃើញលេចមុខចេញនៅក្នុងប៉ុស្តិ៍ណាមួយនៅឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែយ៉ាងណាមិញថ្មីៗនេះ បើតាមប្រភពអ្នកកាសែតថៃ បានជួបធ្វើការសម្ភាសន៍ផ្ទាល់ជាមួយនឹង តារាសម្ដែងស្រីប្រចាំប៉ុស្ដិ៍ ONE31 គឺ Esther Supreeleeda ដែលជាសង្សាររបស់តារាប្រុសរូបនេះ ដោយក្នុងនោះអ្នកកាសែតក៏បានឆ្លៀតសួរនាំទាក់ទងនឹងបញ្ហាដែល Ken ចាកចេញមិនបន្តកុងត្រាថ្មីជាមួយទ្រនំចាស់ផងដែរ ហើយ Esther ក៏បានរៀបរាប់យ៉ាងក្បោះក្បាយថា៖
Ken ឥឡូវផុតកុងត្រាហើយ។ នៅពេលដែលគាត់បានបញ្ចប់កិច្ចសន្យារបស់គាត់ ខ្ញុំបានសួរគាត់ដែរ គាត់ថាគាត់ក៏ស្រឡាញ់ការងារនៅទីនោះដែរ។ តែយ៉ាងណានេះជាការប្រសើរសម្រាប់គាត់ក្នុងការសម្រេចចិត្ត។ ហើយប្រសិនបើត្រូវបានគេសួរថាតើមូលហេតុចម្បងដែលគាត់មិនបន្តកិច្ចសន្យា គឺដោយសារតែគាត់ចង់មកនៅជាមួយខ្ញុំ មួយនេះខ្ញុំគិតថាមិនទាក់ទងទេ។ ប៉ុន្តែប្រហែលជាមកពីគាត់គិតថា គាត់ធ្វើការនៅទីនោះយូរណាស់ហើយ ដូច្នេះបន្ទាប់ពីកិច្ចសន្យាផុតកំណត់ភ្លាមៗ គាត់ចង់ព្យាយាមស្វែងរកបទពិសោធន៍ថ្មីៗ។ ព្យាយាមធ្វើការជាមួយកន្លែងជាច្រើនវាត្រូវបានគេចាត់ទុកថាជារយៈពេលសមស្របសម្រាប់គាត់ទាំងអាយុនិងឱកាសការងារ។ ហើយតាមពិតទៅ ខ្ញុំបានឃើញ ខ្លួនគាត់ផ្ទាល់ចំណាយពេលយូរណាស់ ដើម្បីធ្វើការសម្រេចចិត្ត។ ខ្ញុំបានឃើញគាត់គិតអំពីរឿងនេះមួយរយៈហើយ។ ប៉ុន្តែកាលពីមុនគាត់មិនទាន់សម្រេចចិត្តថាបន្តឬក៏អត់ទេ តែដល់ថ្ងៃដែលត្រូវបញ្ចប់កុងត្រារបស់គាត់ ទើបគាត់សម្រេចចិត្តយ៉ាងម៉ឺងម៉ាត់តែម្ដង។
ជាមួយគ្នានេះដែរ បន្ទាប់ពីបានស្ដាប់ការបកស្រាយរបស់ Esther រួចហើយ មហាជនក៏លែងមានការសង្ស័យទៀតហើយ សម្រាប់ការចាកចេញរបស់ Ken ពីប៉ុស្ដិ៍លេខបី ក៏ព្រោះតែលោកចង់ស្វែងរកបទពិសោធន៍ថ្មីៗនៅប៉ុស្ដិ៍ ផ្សេងៗបន្ថែមទៀតប៉ុណ្ណោះ មិនមែនចាកចេញព្រោះតែមាន ការបញ្ចុះបញ្ចូលពីសង្សារនោះទេ៕
ទស្សនារូបភាពខាងក្រោម៖
Bong I.T