មណ្ឌលគីរី៖ អាចនិយាយបានថា អ្នកនាង គឹម លីហ្សា ជាតារាសម្ដែងស្រីម្នាក់ដែលតែងតែទទួលបាននូវប្រជាប្រិយភាពខ្លាំងពីសំណាក់ទស្សនិកជនគ្រប់ទិសទី បើទោះបី តារាស្រីរូបនេះ ធ្លាប់បានឃ្លាតឆ្ងាយពីវិស័យសិល្បៈអស់ជាច្រើនឆ្នាំទៅរស់នៅលើទឹកដីប្រទេសអូស្រ្តាលី។ ម្យ៉ាងវិញទៀត បន្ទាប់ពីរៀបការអស់ជាច្រើនឆ្នាំមកនេះ នាងក៏មានកូន ២នាក់ សុទ្ធតែគួរឲ្យស្រលាញ់តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនតែប៉ុណ្ណោះ ពេលនេះ អ្នកនាង គឹម លីហ្សា បានសម្រេចចិត្តមករស់នៅលើទឹកដីកំណើតវិញ ថែមទាំងបានបង្កើតជំនួញផ្ទាល់ខ្លួនកំពុងទទួលបានភាពជោគជ័យ។ ជាការពិតណាស់ ក្រោយមករស់នៅក្នុងប្រទេសកម្ពុជាវិញ បើទោះបីរវល់យ៉ាងណាក្ដី ក៏តារាស្រីរូបនេះ តែងតែបង្ហាញវត្តមានក្នុងកម្មវិធីទូរទស្សន៍ជាញឹកញាប់ផងដែរ។
ដោយឡែក បើងាកមកមើលពីជីវិតរស់នៅរបស់នាងនាពេលនេះវិញ ឃើញថា តារាស្រីរូបនេះ កាន់តែមានសេចក្ដីសុខខ្លាំងជាងពេលមុនៗ បន្ទាប់ពីមានកូន ២នាក់ ហើយថែមទាំងមានស្វាមីជួយជ្រោមជ្រែង និងផ្ដល់ភាពកក់ក្ដៅផងនោះ។
ជាក់ស្ដែង ថ្មីៗនេះ អ្នកានាង គឹម លីហ្សា បានដឹងដៃគ្រួសារទៅដើរកម្សាន្តនៅក្នុងខេត្តមណ្ឌគីរី ថែមទាំងមិនភ្លេចថតរូបជួបជុំគ្រួសារឡើយ ដោយតារាស្រីរូបនេះ បានបង្ហោះរូបភាពជាច្រើនសន្លឹក មើលទៅនាងជាមួយស្វាមី និងកូន បានបង្ហាញនៅភាពសប្បាយរីករាយជាមួយគ្នាពេញទំហឹងតែម្ដង។ ដោយសកម្មភាពទាំងនោះ បង្ហាញឲ្យឃើញថា នាង និងគ្រួសារពិតជាមានសុភមង្គល ហើយទំនាក់ទំនងរបស់ពួកគេក៏កាន់តែស្និទ្ធស្នាលជាងមុនមុនផងដែរ៕
សូមទស្សនារូបភាពខាងក្រោម៖