តង់សានី៖ កាលពីខែមិថុនាកន្លងទៅនេះ អ្នករុករករ៉ែម្នាក់ មានឈ្មោះថា សានីញូ ឡេហ្សឺ វ័យ៥២ឆ្នាំ បានក្លាយជាសេដ្ឋីក្នុងមួយពព្រិចភ្នែក បន្ទាប់ពីលោកជីកបានត្បូង Tanzanite ដ៏ធំៗ២ដុំ ដែលមានទម្ងន់សរុបចូលគ្នាចំនួន១៥គីឡូក្រាម។ ហើយការរកឃើញដ៏ធំបំផុតនោះ មិនធ្លាប់មាននៅក្នុងប្រទេសពីមុនឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនោះដែរ ខាងក្រសួងរ៉ែប្រចាំប្រទេស បានប្រគល់ទឹកប្រាក់ជាមូលប្បទានប័ត្រ(សែក) ចំនួនប្រមាណ៣.៤លានដុល្លារអាមេរិកសម្រាប់ទិញយកត្បូង Tanzanite ពណ៌ស្វាយងងឹតទាំងពីរផងដែរ។
ហើយថ្មីៗនេះ លោក សានីញូ បានប្រទះឃើញត្បូង Tanzanite មួយទៀត ដែលមានទម្ងន់៦.៣គីឡូក្រាម និងលក់បានចំនួនទឹកប្រាក់ប្រមាណ២លានដុល្លារអាមេរិកឯណោះ។
យ៉ាងណាមិញ ក្រោយពីទទួលបានប្រាក់យ៉ាងច្រើនសន្ធឹកសន្ធាប់រួចមក លោក សានីញូ បានបញ្ជាក់ម្ដងទៀតកាលពីថ្ងៃចន្ទម្សិលមិញថា រូបលោកផ្ទាល់នឹងចំណាយប្រាក់មួយចំនួន ទៅសាងសង់សាលារៀន និងមណ្ឌលសុខភាពមួយនៅក្នុងសហគមន៍ដែលលោកកំពុងរស់នៅផងដែរ៕
សូមទស្សនារូបភាពខាងក្រោម៖
Bong I.T