លោក Mauricio Pochttino អតីតអ្នកចាត់ការទូទៅរបស់ក្រុម Tottenham បានកកាយរឿងចាស់ដែលគាត់ធ្លាប់បាននិយាយថា ទោះបីជាយ៉ាងណាក៏គាត់មិនមកដឹកនាំក្រុម Barcelona ទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលលោកជាអ្នកចាត់ការក្លិប Espanyol នៅឆ្នាំ ២០១៨ គាត់បានបញ្ជាក់ថា គាត់សុខចិត្តធ្វើការនៅកសិដ្ឋាននៅអាហ្សង់ទីនជាជាងមកដឹកនាំក្រុម Barcelona ។
ដោយមិនមានការងារធ្វើចាប់តាំងពីត្រូវបានបណ្តេញចេញពីក្លិប Spurs កាលពីខែវិច្ឆិកាឆ្នាំទៅ គ្រូបង្វឹកវ័យ ៤៨ ឆ្នាំរូបនេះបានលើកឡើងថា គាត់បានប្រើពាក្យសម្តីខុស ហើយបានអះអាងថានៅក្នុងជីវិតអ្នកប្រាកដជាមិនដឹងថានឹងមានរឿងអ្វីកើតឡើងនោះទេ។
គាត់បានប្រាប់ El Pais ថា “កាលពីពេលនោះខ្ញុំរស់នៅទីក្រុងបាសេឡូណា ហើយខ្ញុំបានជួបប្រធានក្លឹប Barcelona លោក Bartomeu នៅក្នុងបារមួយ។ យើងបានសួរសុខទុក្ខគ្នា ព្រោះយើងនាំកូនៗទៅរៀននៅសាលាតែមួយ ហើយយើងបានជជែកគ្នា ៥ នាទីដែរ។
រឿងនេះបានធ្វើឱ្យមានពាក្យចចាមអារ៉ាមដែលអាចជាសញ្ញានៃការផ្លាស់ទៅទីនោះ ដោយសារតែមានក្រុមជាច្រើនទៀតក៏ចង់បានរូបលោកដែរ។ លោកនិយាយថា "នៅពេលគេសាកសួរខ្ញុំអំពីការទទួល យកតំណែងជាគ្រូបង្វឹកនៅបាសេឡូណា ខ្ញុំបានឆ្លើយថាខ្ញុំចង់ទៅណាស់។
លោកបន្តថា "ខ្ញុំមិនចង់បង្ហាញការមិនគោរពដល់ក្លិប Barcelona ទេ ហើយអ្នកអាចគិតផ្សេងពីអ្វីដែលខ្ញុំគិត។ ក្លិប Espanyol បានសាងកេរ្តិ៍ឈ្មោះឱ្យខ្ញុំ ប៉ុន្តែខ្ញុំមិនក្រអឺតក្រទមទេ ហើយខ្ញុំមិនចូលចិត្តបញ្ចេញទស្សនៈបែបនេះនោះទេ។ "ប្រហែលជាពេលនេះខ្ញុំនឹងមិនអាចទៅដឹកនាំនៅទីនោះទេ តែនៅក្នុងជីវិតអ្នកមិនដឹងថានឹងមានអ្វីនឹងអាចកើតឡើងទេ"៕
ប្រភព៖ Tribal Football