ញូដេលី៖ យោងតាមទិន្នន័យ​របស់ក្រសួងសុខាភិបាល​ឥណ្ឌាបានបង្ហាញ​ថា នៅថ្ងៃច័ន្ទ ទី ខែសីហានេះ ​ប្រទេសឥណ្ឌាបានរកឃើញអ្នកឆ្លងជំងឺកូវីដ១៩ថ្មី​ ចំនួន ៥២,៩៧២នាក់ និងអ្នកស្លាប់ ៧៧១នាក់ ដែលធ្វើឱ្យតួលេខអ្នកឆ្លងសរុបឡើងដល់ ១,៨០៥,៨៣៨នាក់ ខណៈអ្នកស្លាប់កើនឡើងរហូតដល់ ៣៨,១៣៥នាក់។

បុគ្គលិកសុខាភិបាលម្នាក់ កំពុងវាស់កំដៅសីតុណ្ហភាពអ្នកដំណើរ​នៅស្ថានីយ៍រថភ្លើង​

បច្ចុប្បន្ន​​ ប្រទេស​ឥណ្ឌា​បានឡើងមកដល់ចំណាត់ថ្នាក់ទី៣ ក្នុងចំណោមប្រទេសដែលរងគ្រោះដោយជំងឺកូវីដ១៩ ខ្លាំងបំផុតនៅលើពិភពលោក ​ដូចជា សហរដ្ឋអាមេរិក និងប្រេស៊ីល។ ហើយដោយសារ​តែកង្វះខាតការធ្វើតេស្ត ការ​គោរពតាមវិធានការរក្សាគម្លាតពីសង្គម ក៏ដូចជាប្រព័ន្ធសុខាភិបាលនៅទន់ខ្សោយ ​​ទើបបណ្តាលឱ្យអ្នកឆ្លងនិងស្លាប់ដោយជំងឺកូវីដ១៩ នៅ​​ឥណ្ឌា ​បន្តកើនឡើងជាលំដាប់។

មន្ទីរពេទ្យព្យាបាល សម្រាប់អ្នកឆ្លងជំងឹកូវីដ១៩

គួរ​ឱ្យដឹងដែរថា ​រហូតមកដល់ពេលនេះ ប្រទេសឥណ្ឌាមានអ្នកជាសះស្បើយ ១,១៨៨,៣៨៩នាក់ និងអ្នកកំពុងសម្រាកព្យាបាល ៥៧៩,២៧៣នាក់។ ហើយបើទោះបីករណីឆ្លងជំងឺដ៏កាចសាហាវ​នេះ នៅតែបន្តកើនឡើងយ៉ាងណា​ក៏ដោយ ក៏រដ្ឋាភិបាល​​​​ឥណ្ឌា ត្រូវសម្រេចប្រកាសបន្ធូរបន្ថយ​វិធានការបិទទ្វារប្រទេស​​ ដើម្បីកាត់បន្ថយផលប៉ះពាល់ដ៏ធំធេងទៅលើសេដ្ឋកិច្ច និងប្រជាជនក្រីក្រ៕

ឥណ្ឌាបង្កើនការធ្វើតេស្ត ខណៈករណីឆ្លងនៅតែបន្តកើនឡើង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ