កាលីហ្វ័រញ៉ា៖ ប្រជាជនប្រមាណ ៨០០០នាក់ នៅក្នុងតំបន់ រីវើសាយដ៍ខោនធី (Riverside County) ភាគខាងត្បូងរដ្ឋកាលីហ្វ័រញ៉ា ត្រូវបានជម្លៀសចេញពីផ្ទះសម្បែងទៅរកទីកន្លែងសុវត្ថិភាព បន្ទាប់ពីមានហេតុការណ៍ភ្លើងឆេះព្រៃដ៏ខ្លាំងមួយបានកើតឡើង។ នេះបើតាមការផ្សាយរបស់ទីភ្នាក់ងារសារព័ត៌មាន CGTN ថ្ងៃទី ៣ ខែសីហា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពដដែលបន្តថា ភ្លើងឆេះព្រៃនោះបានកើតឡើងនាល្ងាចសុក្រ នៅតំបន់សហគមន៍ Cherry Valley ហើយវាបានបំផ្លាញដីព្រៃដល់ជាង ៨០០០ហិកតា រួមទាំងបង្កការគំរាមកំហែងដល់ផ្ទះសម្បែងជាង ២៥០០ខ្នង។
គួរឱ្យដឹងដែរថា ខណៈពេលដែលភ្លើងឆេះព្រៃនៅតែបន្តឆេះរាលដាលឡើង អាជ្ញាធរក្នុងតំបន់បានបញ្ជូនក្រុមពន្លត់អគ្គិភ័យរហូតជាង ១,២០០នាក់ ដើម្បីចុះអន្តរាគមន៍បាញ់ទឹកពន្លត់ភ្លើង ដើម្បីកុំឱ្យឆេះរាលដាលខ្លាំងឡើង។ ហើយរហូតមកទល់ពេលនេះ មិនទាន់មានរបាយការណ៍ណាមួយ ស្តីពីអ្នកស្លាប់ឬអ្នករងរបួសនៅឡើយទេ៕