នៅមិននៅទៅកាត់តរូប Angelababy ដាក់មុខខ្លួនឯង មានអី តារាចម្រៀងរូបនេះ ត្រូវគេ....

ចិន​៖ ថ្មីៗនេះ យោងតាមសារព័ត៌មានមួយ បានរាយការណ៍ថា Hua Phi ដែលជាតារាចម្រៀងស្រីដ៏មានប្រជាប្រិយភាពមួយរូប បានបង្ហោះសារលើកទឹកចិត្ត ចំពោះសម្តែងប្រុស លោក Huang Xiaoming ក្នុងកម្មវិធី ភោជនីយដ្ឋានចិន ដោយ តារាចម្រៀងស្រីរូបនេះបានធ្វើការគាំទ្រ តាមរយៈការចែករំលែករូបថតរបស់ខ្លួន ដោយធ្វើការកាត់ត ប្តូរមុខមាត់របស់នាង ទៅលើរូបភាពរបស់ Angela Baby ដែលជារូបថតអាពាហ៍ពិពាហ៍របស់តារាសម្ដែងល្បីឈ្មោះទាំងពីរ ផងដែរ។ 

ម៉្យាងវិញទៀត ក្នុងរយៈពេល ២ ឆ្នាំកន្លងមកនេះ ជីវិតអាពាហ៍ពិពាហ៍របស់លោក Huang Xiaoming និង Angela Baby ក៏កំពុងតែប្រឈមមុខនឹងពាក្យចចាមអារាមនៃការបែកបាក់ ទំនាក់ទំនងនឹងគ្នា រហូតដល់អ្នកទាំងពីរ ត្រូវមកចេញមុខ បដិសេធម្តងហើយម្តងទៀត ដោយបញ្ជាក់ថា ជីវិតប្ដីប្រពន្ធអ្នកទាំងពីរ នៅតែមានភាពសប្បាយរីករាយជានិច្ច ដូច្នេះហើយ ទើបរូបភាពដែលបានកាត់ត និងត្រូវបានចែករំលែកនេះ ត្រូវបានមនុស្សជាច្រើន ធ្វើការរិះគន់យ៉ាងខ្លាំង  ចំពោះអាកប្បកិរិយារបស់នាង។ 

ជាពិសេស ពួកគេ បានធ្វើការរិះគន់យ៉ាងធ្ងន់ៗថា ធ្វើបែបនេះ វាហាក់ដូចជា ហួសហេតុពេកហើយ ព្រោះមានរូបភាពជាច្រើនហេតុអីក៏ជ្រើសរើសមួយនេះហើយថែមទាំងបានស្ដីបន្ទោសថា តារាចម្រៀងរូបនេះ មាន ចេតនាអាក្រក់ ទៅលើក្រុមគ្រួសាររបស់ Angela Baby ហើយព្រមទាំងថា នាងកំពុងតែលេងល្បិច ដើម្បីទទួលបានចំណាប់អារម្មណ៍ ថែមទៀតផង។

មិនយូរប៉ុន្មាន បន្ទាប់ពីទទួលបានការរិះគន់ជាច្រើន Hua Phi ក៏បានកែសម្រួលអត្ថបទ ដោយលុបរូបភាពនោះចោល  ជាពិសេស នាងក៏បានធ្វើការសុំទោស ចំពោះកំហុសរបស់នាង ព្រមទាំងបានបញ្ជាក់ថា នាងមិនមានចេតនាអាក្រក់នោះទេ តែគ្រាន់តែចង់នាំមក នូវសេចក្តីរីករាយ ដល់មនុស្សគ្រប់គ្នាតែប៉ុណ្ណោះ ប៉ុន្តែមិនបានគិតទុកជាមុនអំពីបញ្ហាបែបនេះ ៕

សូមទស្សនារូបភាពខាងក្រោម៖