Harry Styles លេងស្ទាយ៍ថ្មី ទុកពុកមាត់វែងៗ មើលភ្លែតចង់ច្រឡំ Justin Bieber

អុីតាលី៖ កាលពីពេលថ្មីៗនេះ អតីតសមាជិកតារាចម្រៀងនៅក្នុងក្រុម One Directionឈ្មោះ Harry Styles  បានរត់ហាត់ប្រាណនៅលើដងវិថីមួយនៅក្នុងប្រទេស អុីតាលី ដោយលើកនេះគាត់តែខ្លួនលេងរបៀបស្ទាយ៍ដោយទុកពុកមាត់រាងស្រម៉ូមៗ មើលប្លែកម្យ៉ាងដែរ។

ដោយឡែកតារាប្រុសម្នាក់នេះ កំពុងរត់ហាត់ប្រាណនៅក្នុងក្រុងRome ប្រទេសអុីតាលី ដោយមានមួកពណ៍ខៀវមួយ វែនតាខ្មៅ កាសសម្រាប់ស្តាប់តន្ត្រី រួមជាមួយអាវវាលក្លៀក ខោខ្លីនិង ស្បែកជើងហាត់ប្រាណផងដែរ ប៉ុន្តែអ្វីផ្សេងដែលធ្វើឲ្យគាត់មានភាពខុសប្លែកពីមុននោះគឺពុកមាត់តែម្តង ដែលកន្លងមកតារាប្រុសម្នាក់នេះតែងតែកោរចេញ សម្អាតចេញអស់ៗផងដែរ ប៉ុន្តែលើកនេះប្រហែលចង់ផ្លាស់ផ្តូរស្ទាយ៍ចាស់ៗហើយបានជាទុកពុកមាត់វែងៗបែបនេះ។

ក្រោយពីបានឃើញដូច្នេះរួចមក ហ្វេនជាច្រើនបាននាំគ្នាសរសើរដល់សម្រស់និង ការតុបតែងរបស់Harry Styles ផងដែរ ទោះបីជាមើលទៅចាស់បន្តិចមែន ប៉ុន្តែសង្ហាមួយបែបម្យ៉ាងតាមរបៀបមនុស្សចាស់ផងដែរ ជាពិសេសនោះគឺមានមតិមួយចំនួនបាននិយាយថាតារាប្រុសរូបនេះ នៅពេលទុកពុកមាត់អញ្ចឹងទៅ មើលមួយភ្លែតស្រដៀងនឹង តារាចម្រៀង Justin Bieber ផងដែរ៕

សូមចូលមើលរូបភាពខាងក្រោម