តេហេរ៉ង់៖ មេដឹកនាំជាន់ខ្ពស់អ៊ីរ៉ង់ លោក អាលី ខាមេណៃ (Ali Khamenei) បាននិយាយថា ប្រទេសរបស់លោកនឹងមិនព្រមធ្វើតាមការទាមទាររបស់សហរដ្ឋអាមេរិក ក្នុងការបញ្ឈប់កម្មវិធីអភិវឌ្ឍមីស៊ីលបាលីស្ទិក និងឧស្សាហកម្មនុយក្លេអ៊ែរនោះទេ។ ហើយរដ្ឋធានីតេហេរ៉ង់ ក៏មិនខ្លាចការសម្លុតគំរាមកំហែងរបស់រដ្ឋធានីវ៉ាស៊ីនតោនដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសុន្ទរកថាតាមទូរទស្សន៍កាលពីថ្ងៃសុក្រ លោក ខាមេណៃ បានលើកឡើងយ៉ាងដូច្នេះថា៖
ទណ្ឌកម្មដែលអាមេរិកបានដាក់មកលើប្រទេសអ៊ីរ៉ង់ គឺក្នុងគោលបំណងបំផ្លាញសេដ្ឋកិច្ច និងកាត់បន្ថយឥទ្ធិពលរបស់រដ្ឋធានីតេហេរ៉ង់នៅក្នុងតំបន់ ប៉ុន្តែផ្ទុយទៅវិញវារឹតតែធ្វើឱ្យប្រទេសអ៊ីរ៉ង កាន់តែរឹងមាំមួយកម្រិតទៀត។ ហើយបើទោះបីអាមេរិកនៅតែបន្តដាក់ទណ្ឌកម្មយ៉ាងណាក៏ដោយ ក៏ប្រទេសមួយនេះមិនបញ្ឈប់កម្មវិធីអភិវឌ្ឍមីស៊ីលបាលីស្ទិក និងនុយក្លេអ៊ែរដែរ។
សូមជម្រាបផងដែរថា ភាពតានតឹងរវាងអ៊ីរ៉ង់ និងសហរដ្ឋអាមេរិកបានកើនឡើងចាប់តាំងពីឆ្នាំ ២០១៨ ក្រោយពេលដែលប្រធានាធិបតីអាមេរិកអាមេរិកលោក ដូណាល់ ត្រាំ បានដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ រួមជាមួយប្រទេសមហាអំណាចចំនួន៦ផ្សេងទៀត។ មិនតែប៉ុណ្ណោះសហរដ្ឋអាមេរិកបានដាក់ទណ្ឌកម្មជាថ្មី ដែលជាការកាត់បន្ថយខ្លាំងបំផុត ទៅលើដំណើរការនាំប្រេងចេញ ក៏ដូចជាឱកាសធ្វើជំនួញផ្សេងទៀតរបស់ប្រទេសនេះ ដើម្បីជាថ្នូរឱ្យបញ្ឈប់កម្មវិធីអភិវឌ្ឍនុយក្លេអ៊ែរ៕
Bong I.T