ភ្នំពេញ៖ កក្រើកជាមួយគូ ប្រភេទទម្ងន់៧០គីឡូក្រាម រវាងអ្នកប្រដាល់មកពីខេត្តកំពង់ធំ កីឡាករ ឈឿន ល្វៃ (ឡុងវ៉ៃ) និងកូនសិស្សលោកគ្រូ ធន់ សុភា កីឡាករ ឈួន រឹទ្ធី (ថៃ រឺទ្ធី) នៅសង្វៀនទូរទស្សន៍បាយ័ន ថ្ងៃសៅរ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករទាំងពីរមិនបានស្ទាបស្ទង់គ្នាច្រើនទេ ដោយចាប់ផ្ដើមគោះជួងទឹកទី១ ក៏សម្រុកគ្នាទៅមកតែម្ដង ប៉ុន្តែសង្កេតឃើញថា ឡុង វ៉ៃ រាងដកថយ និងធាក់ទប់ច្រើន ។
ខណៈទឹក២ រឹទ្ធី ដែលតែងសម្រុកចូលមិនញញើតតាំងពីទឹក១មកនោះ បានព្យាយាមវាយសម្រុក មិនសំចៃដៃ ប្ដូរគ្នាទៅមក ដោយកៀកនឹងគោះជួងបញ្ចប់ទឹកទៅហើយ ស្រាប់តែវាយចូល ឡុង វ៉ៃ មួយដៃយ៉ាងធ្ងន់ បណ្ដាលឲ្យអ្នកប្រដាល់មកពីក្លិបនាគរាជចតុមុខ រូបនេះ សន្លប់ស្ដូកស្ដឹង ត្រូវអជ្ញាកណ្ដាល រាប់រហូតដល់បញ្ចប់ការប្រកួត៕
បើចង់ជ្រាបច្បាស់សូមទស្សនាវីដេអូខាងក្រោម៖