កាបូបម៉ាកល្បីលក់ក្នុងតម្លៃខ្ទង់ពាន់ដុល្លារ បែរជាអ្នកខ្លះគិតថាដូចថង់សំរាមខ្ចប់លាមកសុនខ

បរទេស៖ កាបូប BV Twist ម៉ាក Bottega Veneta ត្រូវបានរចនាម៉ូតឡើងដោយមានរូបរាងដូចជាបាវ និងគួចពីលើសម្រាប់ស៊ូក.កដៃចូល ហើយវាមានជាច្រើនពណ៌សម្រាប់ជ្រើសរើសផងដែរ ដូចជាពណ៌ខ្មៅ ខៀវ និងលឿងជាដើម។

យោងតាមសម្ដីរបស់លោក Andrea Smith វ័យ២៧ឆ្នាំ មកពីភាគខាងកើតទីក្រុងឡុងដ៍ បាននិយាយថា រូបលោកបានឆែកមើលវេបសាយមួយនៅលើបណ្ដាញអុីនធឺណេត ហើយក៏ប្រទះឃើញកាបូបនោះ ក្នុងតម្លៃយ៉ាងខ្ពស់ ដែលធ្វើឲ្យលោកផ្ទុះសំណើច និងស្ទើរតែខ្ចាក់ទឹកតែចេញពីមាត់។ លោកគឺជាម្ចាស់សត្វចិញ្ចឹម និងតែងតែចំណាយពេលយ៉ាងច្រើនជាមួយសុនខនៅសួនច្បារ ហើយកាបូបនោះដូចជាថង់សំរាមខ្ចប់លាមកសុនខរបស់លោកអីចឹង។

យ៉ាងណាមិញ កាបូបខាងលើនេះ ត្រូវបានដាក់លក់ក្នុងតម្លៃចំនួនប្រមាណ២,២០០ដុល្លារអាមេរិកឯណោះ នៅលើវេបសាយរបស់ម៉ាក Bottega Veneta ផ្ទាល់តែម្ដង៕

សូមទស្សនារូបភាពខាងក្រោម៖