អត់មាត់ៗ Bowie បើកបង្ហាញវីឡាប្រណីត តម្លៃ១លានដុល្លារជាង

ថៃ៖ តារាស្រីស្រស់ Bowie Atthama ជាតារាសម្ដែងដ៏មានប្រជាប្រិយភាព ដែលកំពុងតែមានជោគជ័យនៅក្នុងវិថីសិល្បៈ ហើយក៏ត្រូវបានហ្វេនជាច្រើន ធ្វើការតាមដាន យ៉ាងកៀកកិត ពីសកម្មភាពរបស់នាង មិនថារឿងការងារ ឬ សកម្មភាពឯកជនឡើយ។

ម៉្យាងវិញទៀត ជាមួយនឹងភាពជោគជ័យនេះ នាងស្រាប់តែ បើកបង្ហាញឲ្យឃើញពីផ្ទះថ្មី របស់នាង បន្ទាប់ពីចំណាយពេលសាងសង់ និងរៀបចំ អស់រយៈពេលជិត ៦ ឆ្នាំ  ហើយផ្ទះដ៏ស្រស់ស្អាត នាងថែមទាំងមានការយកចិត្តទុកដាក់យ៉ាងខ្លាំង រាល់ព័ត៌មានលំអិត នៅក្នុងផ្ទះដើម្បីទទួលបាន ស្ទាយ៍នៃការតុបតែង ទៅតាមចំណូលចិត្តរបស់ខ្លួន ថែមទៀតផង។

នៅក្នុងនោះដែរ បានឲ្យដឹងថា ផ្ទះថ្មីដ៏ស្កឹមស្កៃរបស់នាងមួយនេះ បើរាប់បញ្ចូលទាំងតម្លៃតុបតែង គឺវាមានតម្លៃជិត ៥០ លានបាត ដែលប្រហាក់ប្រហែលនឹង ១,៥ លាន ដុល្លា ព្រោះមានបន្ទប់គេង និងបន្ទប់ទឹកជាច្រើន ជាពិសេស មានអាងហែលទឹកដែលមានការរៀបចំយ៉ាងល្អ ផងដែរ។

ដោយឡែក ផ្នែកខាងក្នុងផ្ទះ ដែលត្រូវបានតុបតែងក្នុងតម្លៃថ្លៃកប់ពពលបែបនេះ ពិតជាឲ្យនាងក៏ដូចជា ហ្វេនៗជាច្រើន មិនមានការខកបំណងឡើយ ព្រោះវាមានភាពស្រស់ស្អាតខ្លាំង ជាមួយនឹងការតុបតែងផ្ទៃជញ្ជាំងពណ៌ស គ្រឿងសង្ហារឹមប្រណីតៗ ជួយឲ្យទិដ្ឋភាពនៅក្នុងផ្ទះ កាន់តែមានភាពស្រស់បំព្រង គ្រប់ជ្រុងជ្រោយតែម្ដង៕

សូមទស្សនារូបភាពខាងក្រោម៖