ក្រុមតោខៀវ Chelsea ធ្លាប់បាននាំចូលខ្សែប្រយុទ្ធពីក្លិប Ajax របស់ហូឡង់នេះម្តងរួចមកហើយគឺកីឡាករ Hakim Ziyech តែពេលនេះក្លិបក៏បានត្រៀមខ្លួនរួចជាស្រេចដើម្បីនាំយកអ្នកចាំទី Andre Onana មកកាន់ទឹកដី Stamford Bridge ទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈរបាយការណ៍ពី Voetbal International បាននិយាយថា ក្រុមតោខៀវ Chelsea មានឆន្ទៈក្នុងការផ្តល់ជូននូវតម្លៃផ្ទេរអ្នកចាំទីរូបនេះ ៣០ លានផោនពីក្រុម Ajax ។
អ្នកចាត់ការក្រុមតោខៀវលោក Frank Lampard បានប្តេជ្ញាចិត្តថា នឹងជ្រើសរើសយកអ្នកចាំទីជម្រើសដំបូងថ្មីនៅរដូវក្តៅនេះ បន្ទាប់ពីអស់ជំនឿចិត្តលើអ្នកចាំទី Kepa កាលពីប្រកួតជុំចុងក្រោយនៃក្របខ័ណ្ឌ Premier League ជាមួយក្រុម Wolves ។
Onana ស្ថិតក្នុងចំណោមអ្នកចាំទីមួយចំនួនដែលត្រូវបានផ្សារភ្ជាប់ជាមួយនឹងការផ្លាស់ប្តូរទៅ Stamford Bridge ប៉ុន្តែដោយសារតម្លៃនៃការផ្ទេរពី Ajax ក្រុមតោខៀវបានទុករឿងនេះមួយឡែក សិន។ អ្វីដែលអ្នកគាំទ្រស្មានដឹងនោះគឺកាលពីខែមេសា Onana បាននិយាយថា "ដល់ពេលហើយដែលខ្ញុំត្រូវឈានជើងមួយជំហានទៀត" ៕
ប្រភព៖ Tribal Football