ច្រើនឆ្នាំហើយ វ៉ាន់ នីឡា នៅតែមិនអស់ចិត្ត ចំពោះរឿងក្ដី មិនទាន់ទទួលបានយុត្តិធម៌

ភ្នំពេញ៖  ប្រិយមិត្តប្រហែលជានៅចាំបាន អំពីព័ត៌មាន របស់តារាចម្រៀងស្រី វ៉ាន់ នីឡា  កាលពីប៉ុន្មានឆ្នាំមុន ដោយមានការបែកធ្លាយ រូបអាក្រាត​ អាសអាភាស ដែលជាទង្វើររបស់អតីតគូស្នេហ៍របស់នាង បង្ហោះនៅលើបណ្ដាញសង្គម។​ ក្រោយមក បន្ទាប់ពីនោះ តារាស្រីរូបនេះក៏បានដាក់ពាក្យ​បណ្តឹង​ទៅកាន់​តុលាការ ​ចោទ​អតីត​សង្សារ​ពីបទ​ប្រើប្រាស់​អំពើហិង្សា ដោយ​ចេតនា និង​បង្ហោះ​រូបអាក្រាត​ជា​សាធារណៈ។

យ៉ាងណាមិញ រឿងក្ដីមួយនេះក៏បានស្ងាត់មួយរយៈពេលទៅហើយ ដោយគ្រប់គ្នាក៏គិតថានិងមានដំណោះស្រាយអ្វីមួយចប់សព្វគ្រប់អស់ដែរ ប៉ុន្តែកាលពីមុននេះបន្តិច វ៉ាន់ នីឡា ស្រាប់តែបង្ហោះសារមួយនៅគណនីបណ្ដាញសង្គមរបស់នាងថា៖ 

ជាមួយគ្នានេះ តាមរយៈការឃើញបែបនេះហើយ មានអ្នកគាំទ្រជាច្រើន បានចូលរួមផ្ដល់កម្លាំងចិត្តដល់តារាស្រីសម្លេងផ្អែមនេះ ជាហូរហែរផងដែរ បើទោះបីជានាងបែរឃ្លាតឆ្ងាយ ពីរង្វង់សិល្បៈអស់មួយរយៈពេលក៏ដោយ តែការស្រលាញ់គាំទ្រនៅតែដដែល ពិសេសគេក៏ទន្ទឹងរង់ចាំការដោះស្រាយនូវ រឿងក្ដីមួយនេះ បានល្អប្រសើរ ហើយនឹងវិលត្រឡប់មកបម្រើអារម្មណ៍អ្នកគាំទ្រក្នុងសិល្បៈវិញឆាប់ៗផងដែរ។

គួររំលឹកថា កាលពី​ដើម​ឆ្នាំ ២០១៦ រូបថត​អាក្រាតកាយរបស់  វ៉ាន់ នីឡា ត្រូវបាន​បែកធ្លាយ​ពេញ​បណ្តាញ​សង្គម ដែលជាស្នាដៃអតីតគូស្នេហ៍របស់នាង បានធ្វើក្នុងន័យចង់បង្ខូចឈ្មោះរបស់នាង ហើយទីបំផុតតារាស្រីរូបនេះ ក៏បានសម្រេចចិត្តដើរចេញពីសិល្បៈទាំងកំពុងមានប្រជាប្រិយភាពខ្លាំង៕

ទស្សនារូបភាពខាងក្រោម៖