អេក្វាទ័រ៖ យោងតាមមន្ត្រីជាន់ខ្ពស់របស់ប្រទេសអេក្វាទ័រ ការប្រកួតបាល់ទាត់កំពូលរបស់ប្រទេស អេក្វាទ័រនឹងបន្តដំណើរការវិញនៅពាក់កណ្តាលខែសីហាបន្ទាប់ពីមានការបិទទ្វាដោយសារការរាត្បាតនៃជំងឺ COVID-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគណៈកម្មាធិការប្រតិបត្តិការគ្រាអាសន្នរបស់រដ្ឋាភិបាល (COE) បានអនុម័តលើតម្រូវការអនាម័យថ្មី ប៉ុន្តែនៅតែឃ្លាំមើលពីកម្រិតនៃការរាលដាលដែលនៅតែបង្ហាញការកើនឡើងនៅក្នុងទីក្រុងជាច្រើន។
សារព័ត៌មាន El Comercio បានដកស្រង់សម្តីសមាជិកគណៈកម្មាធិការ COE លោក Juan Zapata ដែលបាននិយាយថា “ពិធីការត្រូវបានអនុម័តរួចហើយ។ កាលបរិច្ឆេទថ្មីអាស្រ័យលើកម្រិតនៃការឆ្លង ចំណែកឯការចាប់ផ្តើមការប្រកួតបាល់ទាត់ឡើងវិញគឺនៅថ្ងៃទី ១៥ ខែសីហា” ។
COE បានគ្រោងធ្វើនៅថ្ងៃទី ២៩ ខែកក្កដាសម្រាប់ការវិលត្រឡប់នៃការប្រកួតកីឡាបាល់ទាត់ឡើងវិញ ក៏ប៉ុន្តែផែនការទាំងនោះត្រូវបានគេបញ្ឈប់ដោយសារតែភាពអាសន្នផ្នែកសុខភាពដែលកំពុងបន្តកើតមានជាពិសេសនៅរដ្ឋធានី Quito និងនៅទីក្រុង Cuenca ដែលជាទីក្រុងធំទី ៣ របស់ប្រទេស អេក្វាទ័រ។
លោក Zapata បាននិយាយថា ទីតាំងក្នុងការរៀបចំព្រឹត្តិការណ៍ Liga Pro ត្រូវបានគេដឹងថា អាចនឹងត្រូវបានកំណត់យកទីក្រុងណាដែលមានអត្រាឆ្លងជំងឺ COVID-១៩ ទាបឬធ្លាក់ចុះខ្លាំង។
គួរបញ្ជាក់ផងដែរថា គ្រប់ព្រឹត្តិការណ៍កីឡាដែលបានរៀបចំទាំងអស់ត្រូវបានផ្អាកនៅក្នុងប្រទេសនៅថ្ងៃទី ១៥ ខែមីនា ពោលគឺនៅ ៤ ថ្ងៃបន្ទាប់ពីអង្គការសុខភាពពិភពលោកបានប្រកាសថាជំងឺ COVID-១៩ ជាជំងឺរាត្បាតជាសកល ។
ប្រទេសអេក្វាទ័រមានករណីឆ្លងជំងឺ COVID-១៩ ដែលបានបញ្ជាក់ថាមានជាង ៨២,០០០ នាក់ដែលក្នុងនោះជាង ៥,៥០០ នាក់បានស្លាប់៕
ប្រភព៖ ទីភ្នាក់ងារសារព័ត៌មានស៊ីនហួរ