ស៊ីដនី៖ យោងតាមការសិក្សាមួយ ដែលធ្វើឡើងដោយអង្គការមូលនិធិសកលសម្រាប់អភិរក្សធនធានធម្មជាតិ ហៅកាត់ថា (WWF) បានឱ្យដឹងកាលពីថ្ងៃអង្គារថា សត្វកូឡាសជិត ៣ពាន់លានក្បាល រួមទាំងសត្វកង់ហ្គូរូ ក៏ដូចជាប្រភេទសត្វជាច្រើនទៀតនៅក្នុងប្រទេសអូស្រ្តាលី ត្រូវបានស្លាប់ឬផ្លាស់ទីជម្រក ដោយសារភ្លើងឆេះព្រៃកាលពីចុងឆ្នាំ២០១៩ និង២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអង្គការ WWF បានឱ្យដឹងទៀតថា ថនិកសត្វប្រហែល ១៤៣លានក្បាល សត្វល្មូន ២,៤៦ពាន់លានក្បាល សត្វបក្សី ១៨០លានក្បាល និងកង្កែប ៥១លានក្បាល ត្រូវបានរងផលប៉ះពាល់ដោយសារភ្លើងឆេះព្រៃដ៏អាក្រក់បំផុតរបស់ប្រទេសនេះ ក្នុងរយៈពេលជាច្រើនទសវត្ស។
សូមជម្រាបផងដែរថា ភ្លើងឆេះព្រៃដ៏អាក្រក់បំផុតមួយ ដែលកើតមានឡើងកាលពីខែកញ្ញាឆ្នាំ ២០១៩ រហូតដល់ខែមីនាឆ្នាំ២០២០ បានបណ្តាលឱ្យមនុស្សយ៉ាងហោចណាស់ ៣៤នាក់ ត្រូវស្លាប់បាត់បង់ជីវិត ខណៈផ្ទះសម្បែងជិត ៣ពាន់ខ្នង ត្រូវបានឆេះខូចខាតទាំងស្រុង។ ហើយជាលទ្ធផលក្រុមអ្នកជំនាញបានសន្និដ្ឋានថា អគ្គីភ័យដ៏អាក្រក់ដែលបានកើតឡើងខ្លាំងជាងពេលណាៗទាំងនោះ គឺបណ្តាលមកឥទ្ធិពលនៃគ្រោះរាំងស្ងួត ក៏ដូចជាការប្រែប្រួលអាកាសធាតុជាបន្តបន្ទាប់៕
សូមទស្សនាវីដេអូខាងក្រោម៖