ក្រោយស្ងាត់ពីសិល្បៈយូរ អេននី ហ្សាម ត្រូវផលិត​កម្ម​ថោន​ បង្ហើបពី ចំណីអារម្មណ៍ថ្មី

ភ្នំពេញ៖ ក្រោយស្ងាត់ពីវិថីសិល្បៈអស់រយៈពេលយូរ កញ្ញា អេននីហ្សាម ដែលជាតារាចម្រៀងប្រចាំផលិតកម្មថោន និងជាម្ចាស់បទចម្រៀងល្បីៗដូចជាបទ៖ មនុស្សស្រីធម្មតាម្នាក់មិនសមឲ្យបងខូចចិត្ត, លែងចង់នៅភពនេះហើយ, សង្ស័យឆេះអ៊ីសេ, ពីឯកាទៅឯកាបំផុត, គូព្រេងខ្ញុំនៅខេត្តណា និងបទជាច្រើនទៀត ត្រូវផលិតកម្មបង្ហើបពីចំណី​អារម្មណ៍​ថ្មី​។

កាលពីម្សិលមិញនេះ ផេកផ្លូវការរបស់ផលិតកម្មថោន បានបង្ហោះរូបមួយសន្លឹករបស់កញ្ញា អេននីហ្សាម ដែលមាន​ភាពប្លែកភ្នែកមែនទែន ធ្វើឲ្យហ្វេនៗជាច្រើនរំភើបជាមួយបទចម្រៀងថ្មីរបស់ អេននីហ្សាម ដែលរង់ចាំ​អស់ពេលជា​យូរមកហើយ។

តួយ៉ាង អេននីហ្សាម មិនត្រឹមតែបាត់មុខយូរនៅក្នុង MV បទចម្រៀងនោះទេ សូម្បីតែនៅតាមបុស្តិ៍ទូរទស្សន៍ផ្សេងៗ​ក៏មិនឃើញវត្តមានរបស់ អេននីហ្សាម ដែរ។ ទោះជាយ៉ាងណា អ្នកគាំទ្រក៏ទន្ទឹងចាំមើលបទថ្មី ក៏ដូចជា MV ថ្មីរបស់កញ្ញា អេននីហ្សាម ដូចគ្នា៕

សូមទស្សនារូបភាព៖