បារាំង៖ គម្រោងលាយបញ្ចូលនុយក្លេអ៊ែរធំបំផុតរបស់ពិភពលោក បានឈានចូលដល់ដំណាក់កាលដំឡើង៥ឆ្នាំរបស់ខ្លួន។ បន្ទាប់ពីដំណាក់កាលនេះបញ្ចប់ គេនឹងចាប់ផ្ដើមប្រមូលផ្ដុំប្លាស្មាក្ដៅ ដែលត្រូវការសម្រាប់ថាមពលលាយ។

អាគារដែលមានតម្លៃ២៣.៥ប៊ីលានដុល្លារ ត្រូវបានសាងសង់នៅតំបន់ Saint-Paul-lez-Durance ភាគខាងត្បូងប្រទេសបារាំង។ ក្រុមគាំទ្រនិយាយថា ការលាយបញ្ចូលគ្នាអាចជាប្រភពនៃថាមពលស្អាតគ្មានដែនកំណត់ ដែលអាចជួយដោះស្រាយវិបត្តិអាកាសធាតុ។ គម្រោងអង្គការ Iter គឺជាកិច្ចសហការរវាងចិន សហភាពអឺរ៉ុប ឥណ្ឌា ជប៉ុន កូរ៉េខាងត្បូង រុស្ស៊ី និងអាមេរិក។ សមាជិកទាំងអស់ចូលរួមក្នុងថ្លៃសាងសង់។

អាគារ tokamak របស់អង្គការ Iter ដែលនឹងគ្រប់គ្រងការលាយបញ្ចូល

ថាមពលនុយក្លេអ៊ែរបច្ចុប្បន្ននឹងពឹងផ្អែកលើការញែកចេញ ដែលធាតុគីមីធ្ងន់ត្រូវបានបំបែក ដើម្បីផលិតអង្គធាតុស្រាលជាងមុន។ ផ្ទុយទៅវិញ ការលាយបញ្ចូលនុយក្លេអ៊ែរដំណើការដោយផ្សំអង្គធាតុស្រាលពីរ ដើម្បីបង្កើតជាអង្គធាតុធ្ងន់មួយ។ វាបញ្ចេញថាមពលយ៉ាងច្រើន ជាមួយនឹងវិទ្យុសកម្មតិចតួចបំផុត។

ប្រធានាធិបតីបារាំង លោក Emmanuel Macron កំពុងនិយាយនៅក្នុងអង្គពិធី

គម្រោង Iter នឹងបង្ខាំងប្លាស្មាក្ដៅក្នុងអាគារមួយ ហៅថា tokamak ដើម្បីគ្រប់គ្រងប្រតិកម្មលាយ។ គម្រោងនេះនឹងជួយបង្ហាញថា តើការលាយបញ្ចូលគ្នាអាចផ្ដល់ផលចំណេញដែរទេ។ ប្រធានាធិបតីបារាំង លោក Emmanuel Macron បាននិយាយថា កិច្ចប្រឹងប្រែងនេះនឹងជួយបង្រួបបង្រួមប្រទេសជុំវិញ នូវផលប្រយោជន៍រួម។

កន្លែងនេះអាចមើលឃើញប្លាស្មាបង្កើតនៅក្នុងម៉ាស៊ីន ដែលជាការចាប់ផ្ដើមប្រតិបត្តិការគួរឲ្យកត់សម្គាល់ បន្ទាប់ពីដំណាក់កាលដំឡើងបញ្ចប់ នៅឆ្នាំ២០២៥៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ